ଭୁବନେଶ୍ୱର,ଦୀପାବଳି ପାଇଁ ଭୁବନେଶ୍ୱରର ୭ଟି ସ୍ଥାନରେ ବାଣ ବିକ୍ରିକୁ ପ୍ରଶାସନ ଅନୁମତି ଦେଇଛି ।ଭୁବନେଶ୍ୱରର ଗାଡ଼କଣ, ବମିଖାଲ, ପାଣ୍ଡରା, ବାପୁଜୀନଗର, ଲକ୍ଷ୍ମୀସାଗର, ବଡଗଡ଼ର ୨ଟି ସ୍ଥାନରେ ବାଣ ବିକ୍ରିକୁ ଅନୁମତି ମିଳିଛି । ସାଧାରଣ ପ୍ରଶାସନ ବିଭାଗ ପକ୍ଷରୁ ଏନେଇ ଭୁବନେଶ୍ୱର ମହାନଗର ନିଗମ ଅତିରିକ୍ତ କମିଶନରଙ୍କୁ ଅବଗତ କରାଯାଇଛି । ସୂଚନା ଅନୁଯାୟୀ ଗାଡକଣର ଶବରସାହି ମେଳନ ପଡିଆ, ବମିଖାଲ ଅନ୍ତର୍ଗତ ରସୁଲଗଡ ଦୁର୍ଗାମଣ୍ଡପ, ପାଣ୍ଡରାର ପଳାଶୁଣି ବିଜୁ ପଟ୍ଟନାୟକ ଖେଳ ପଡିଆ, ବାପୁଜୀନଗର ଅନ୍ତର୍ଗତ ୟୁନିଟ୍ ୧ ହାଇସ୍କୁଲ ପଛପାଖ, ଲକ୍ଷ୍ମୀସାଗର ମେଳନ ପଡିଆ, ବଡଗଡରେ ଶ୍ମଶାନ ସାମ୍ନା ଏବଂ ବିଡିଏ ମାର୍କେଟ୍ ପଛ ପାଖରେ ବାଣ ବିକ୍ରି କରାଯିବ ।
