ବଲାଙ୍ଗିର ,ବଲାଙ୍ଗିର, ବଲାଙ୍ଗୀର ଜିଲ୍ଲା ପୁଇଁନ୍ତଳା ବ୍ଲକର ୱାର୍ଡ ସଭ୍ୟ ମାନଙ୍କର ପ୍ରାରମ୍ଭିକ ପ୍ରଶିକ୍ଷଣ ଶିବିର ଜିଲ୍ଲା ପଂଚାୟତ ସାଧନ କେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି । ଏଥିରେ ମୁଖ୍ୟ ଅତିଥି ଭାବରେ ପୁଇଁନ୍ତଳା ପଂଚାୟତ ସମିତି ଅଧ୍ୟକ୍ଷ ସରୋଜ ପ୍ରଧାନ ଯୋଗ ଦେଇ ତୃଣମୂଳସ୍ତରରେ ପଂଚାୟତକୁ ବିକଶିତ କରିବା ପାଇଁ ସମସ୍ତ ଙ୍କ ସହଯୋଗ କାମନା କରିଥିଲେ । ବଲାଙ୍ଗୀର ପଲ୍ଲୀ ଆଲୋକ ପାଠାଗାର ଅନୁକୂଲ୍ୟରେ ଆୟୋଜିତ ଏହି ଶିବିରରେ ପୁଇଁନ୍ତଳା ବ୍ଲକ ଅଧୀନରେ ଥିବା ସମସ୍ତ ସମିତି ସଭ୍ୟ/ସଭ୍ୟ ମାନେ ଯୋଗ ଦେଇ ନିଜର ମତ ପ୍ରଦାନ କରିଥିଲେ । ଗ୍ରାମାଂଚଳରେ ଲୋକଙ୍କ ମୌଳିକ ଆବଶ୍ୟକତା ପୂରଣ, ସରକାରଙ୍କ ସମସ୍ତ ଯୋଜନାକୁ ଲୋକଙ୍କ ପାଖରେ ପହଂଚାଇବା ଓ ଏକ ସଶକ୍ତ ଗ୍ରାମପଂଚାୟତ ଗଠନରେ ସମସ୍ତ ନିର୍ବାଚିତ ପ୍ରତିନିଧି ନିଷ୍ଠାର ସହ କାମ କରିବା ଉପରେ ବ୍ଲକ ଅଧ୍ୟକ୍ଷ ଶ୍ରୀ ପ୍ରଧାନ ଜୋର୍ ଦେଇଥିଲେ ।
