ବୌଦ୍ଧ – ବୌଦ୍ଧ ଜିଲା ଖୋର୍ଦ୍ଧା-ବଲାଙ୍ଗିର ଜାତୀୟ ରାଜପଥର ଖୁଣ୍ଟବନ୍ଧ ଠାରେ ଅପରାହ୍ନ ୩ ଟା ସମୟରେ ଏକ ବାଇକ ସହ କାରର ଦୁର୍ଘଟଣା ହେବା ଯୋଗୁଁ ଜଣଙ୍କର ମୃତ୍ୟୁ ଘଟିଛି । ମିଳିଥିବା ସୁଚନା ମୁତାବକ ଜାତୀୟ ରାଜପଥର ସୋନପୁର ପଟୁ ଏକ କାର (ଓଡି ୩୩ ଜେ ୦୮୦୮ ) ବୌଦ୍ଧ ଆଡକୁ ଆସୁଥିବା ବେଳେ ଅପରପାଶ୍ୱର୍ରୁ ବାଇକ ଯୋଗେ ଗୋବିନ୍ଦପୁର ଗା୍ରମର ଲିଙ୍ଗରାଜ ମଖି (୩୫) (ଓଡି-୨୭- ୩୫୩୮ ) ନିଜ ସାଇକେଲ ମରାମତି ଦୋକାନକୁ ଯାଉଥିବା ବେଳେ ଖୁଂଟବନ୍ଧ ନିକଟସ୍ଥ ମଧୁପୁର ଛକ ଠାରେ ଧକ୍କା ହୋଇଥିଲା । ଧକ୍କା ହେବା ଫଳରେ କାରଟି ଜାତୀୟ ରାଜପଥ କଡର ଏକ ବିଲ ଭିତରକୁ ପଶିଯାଇଥିଲା । ଦୁର୍ଘଟଣା ପରେ ସ୍ଥାନୀୟ ଲୋକମାନେ ଜାତୀୟ ରାଜପଥ ଅବରୋଧ କରିଥିଲେ । ଘଟଣା ସ୍ଥଳରେ ବୌଦ୍ଧ ଓ ଜହ୍ନାପଙ୍ଗ ପୋଲିସ ଆନେ୍ଦାଳନ କାରୀଙ୍କ ସହ ଆଲୋଚନା କରିବା ପରେ ରାସ୍ତା ରୋକ ହଟିଥିଲା । ବୌଦ୍ଧ ପୋଲିସ ଏକ ମାମଲା ରୁଜୁ କରି ତଦନ୍ତ ଚଳାଇଥିବା ଜଣାପଡିଛି ।
