ବଲାଙ୍ଗିର,ବଲାଙ୍ଗୀର -ଟିଟିଲାଗଡ ରାସ୍ତାରେ ସିନଖମନ ଛକ ଠାରେ ବାଇକକୁ ଧକ୍କା ଦେଲା ହାଇୱା। ଏହି ସଡକ ଦୁର୍ଘଟଣାରେ ଦଂପତ୍ତିଙ୍କ ମୃତ୍ୟୁ ଘଟିଛି । ଆଜି ମଧ୍ୟାହ୍ନରେଏପରି ଏକ ଦୁଃଖଦ ଘଟଣା ଘଟିଛି ବଲାଙ୍ଗିର-ଟିଟିଲାଗଡ ରାସ୍ତାର ସିଂହଖମନ ଛକ ଠାରେ । ନିଜ ଶ୍ଵଶୁର ଘରୁ ବାଇକରେ ଫେରୁଥିବା ତଥା ବଲାଙ୍ଗିରରୁ କଳାହାଣ୍ଡିକୁ ଯାଉଥିବା ସମୟରେ ଦମ୍ପତ୍ତିଙ୍କୁ ଧକ୍କା ଦେଇଥିଲା ହାଇୱା । ଘଟଣାସ୍ଥଳରେ ସ୍ତ୍ରୀ ପ୍ରତିମା ସାହୁଙ୍କ ମୃତ୍ୟୁ ହୋଇଥିବା ବେଳେ, ଭୀମଭୋଇ ମେଡିକାଲ କଲେଜ ହସପିଟାଲରେ ସ୍ଵାମୀ ପ୍ରେମାନନ୍ଦ ସାହୁଙ୍କ ମୃତ୍ୟୁ ହୋଇଛି । ଦଶହରାରେ ଭାଇ ଜିଉଁନ୍ତିଆ ଓଷା କରିବା ପାଇଁ ବଲାଙ୍ଗିର ରାମେଶ୍ଵର ନଗର ପଡାରେ ରହୁଥିବା ନିଜ ଭାଇ ଘରକୁ ଆସିଥିଲେ ପ୍ରତିମା । ଆଜି ଶାଶୁଘରୁ ସ୍ତ୍ରୀ ପ୍ରତିମାଙ୍କୁ ଧରି ନିଜ ଗାଁ କଳାହାଣ୍ଡି ଜିଲ୍ଲା ଜରାଡୁଗୁରାକୁ ଯାଉଥିଲେ ପ୍ରେମାନନ୍ଦ । କିନ୍ତୁ ଅଧା ବାଟରେ ଜଗି ବସିଥିଲା ମୃତ୍ୟୁ । ସିଂହଖମନ ଛକ ଠାରେ ଦ୍ରୁତ ଗତିରେ ଆସୁଥିବା ହାଇୱା ଧକ୍କାରେ ସ୍ଵାମୀ,ସ୍ତ୍ରୀଙ୍କ ଜୀବନ ଚାଲିଯାଇଥିଲା । ହାଇୱାର ଡ୍ରାଇଭର ଥାନାରେ ଆତ୍ମସମର୍ପଣ କରିଥିବା ଜଣାପଡିଛି।
