ପୁରୀ, ଆଜି ଠାରୁ ଆରମ୍ଭ ହୋଇଛି ହବିଷ୍ୟାଳୀଙ୍କ ପବିତ୍ର କାର୍ତିକ ବ୍ରତ । ଏନେଇ ରାଜ୍ୟର ବିଭିନ୍ନ ସ୍ଥାନରୁ ହବିଷ୍ୟାଳୀ ମାନେ ଶ୍ରୀକ୍ଷେତ୍ରରେ ପହଂଚିଲେଣି । କାର୍ତିକ ବ୍ରତ ପାଇଁ ହବିଷ୍ୟାଳୀ ମାନେ ପୁରୀରେ ଏକ ମାସ ଧରି ଅବସ୍ଥାନ କରିବେ । ଆଜି ସଂକଳ୍ପ କରି ହବିଷ୍ୟାଳୀମାନେ ଏହି ବ୍ରତ ଆରମ୍ଭ କରିଛନ୍ତି । ଏହି ମାସରେ ହବିଷ୍ୟାଳୀମାନେ ରାଧାଦାମୋଦରଙ୍କ ପୂଜା କରିବେ । ଏନେଇ ହବିଷ୍ୟାଳୀଙ୍କ ପାଇଁ ପ୍ରଶାସନ ପକ୍ଷରୁ ସ୍ଵତନ୍ତ୍ର ବ୍ୟବସ୍ଥା କରାଯାଇଛି । ପୁରୀରେ ୫ଟି ହବିଷ୍ୟାଳୀ କେନ୍ଦ୍ରରେ ପ୍ରାୟ ୩୦୦୦ ହବିଷ୍ୟାଳୀଙ୍କ ରହିବା ପାଇଁ ବ୍ୟବସ୍ଥା ହୋଇଛି । ଏହା ବ୍ୟତୀତ ବିଭିନ୍ନ ମଠବାଡି, ଭଡ଼ାଘରେ ଏବଂ ସମ୍ପର୍କୀୟଙ୍କ ଘରେ ହବିଷ୍ୟାଳୀ ମାନେ ପହଂଚି ସାରିଲେଣି ।
