କଟକ, କଟକ ଜିଲ୍ଲା ତିଗିରିଆ ଥାନା ଅନ୍ତର୍ଗତ ଭିରୁଡ଼ା ଗ୍ରାମରେ ଆଠଗଡ଼ ଅବକାରୀ ବିଭାଗ ପକ୍ଷରୁ ଚଢ଼ଉ କରାଯାଇଛି । ଚଢ଼ଉ ବେଳେ ଏକ ଦୁଇମହଲା ବିଶିଷ୍ଟ କୋଠାରୁ ଚୋରାରେ ବିକ୍ରି ପାଇଁ ରଖାଯାଇ ଥିବା ଶହ ଶହ ଲିଟର ଦେଶୀ ମଦ ଜବତ ହୋଇଛି ।
ସୂଚନା ମୁତାବକ, ତିଗିରିଆ ଥାନା ଅନ୍ତର୍ଗତ ଭିରୁଡା ଗ୍ରାମର ବିଭିନ୍ନ ସ୍ଥାନରେ ଆଠଗଡ଼ ଅବକାରୀ ବିଭାଗ ଏବଂ କଟକ କେନ୍ଦ୍ରୀୟ ସ୍କ୍ୱାଡ ପକ୍ଷରୁ ମିଳିତ ଚଢ଼ଉ କରାଯାଇଥିଲା । ଚଢ଼ଉ ବେଳେ ଏହି ଦୁଇ ମହଲା ଘରୁ ଶହ ଶହ ଲିଟର ମଦ ଜବତ ହୋଇଛି । ଅବକାରୀ ବିଭାଗ ହଜାର ହଜାର ଲିଟର ପୋଚ ନଷ୍ଟ କରିଛି । ତେବେ କୌଣସି ମଦ ମାଫିଆ ଗିରଫ ହୋଇନଥିବା ଜଣାପଡିଛି । ଏନେଇ ବିଭାଗ ପକ୍ଷରୁ ଅଧିକ ତଦନ୍ତ ଜାରୀ ରହିଛି ।
