ପୁରୀ, ଶ୍ରୀକ୍ଷେତ୍ରର ବିଭିନ୍ନ ସାହିର ପୂଜା ମଣ୍ଡପରୁ ଦେବୀଙ୍କ ମୃଣ୍ମୟୀ ମୂର୍ତି ମେଢ଼ ସହ ପଟୁଆରରେ ଆସି ଆଜି ସଂନ୍ଧ୍ୟାରେ ସିଂହଦ୍ଵାରରେ ଗୋଷାଣୀ ଯାତରେ ବିଜେ କରିବେ । ସିଂହଦ୍ଵାର ସମ୍ମୁଖରେ ଗୋସାଣୀ ମେଲଣ ବା ଦେବୀ ସଭା ଅନୁଷ୍ଠିତ ହେବ । ଆଜି ସକାଳୁ ବିଭିନ୍ନ ମଣ୍ଡପ ଗୁଡିକରେ ଗୋଷଣି ଫିଟାଯାଇ ଶୋଭାଯାତ୍ରାରେ ନିଆଯିବା ନିମନ୍ତେ ପ୍ରସ୍ତୁତି ଆରମ୍ଭ ହୋଇଛି । ଗୋଷାଣୀ ଯାତରେ ଭିଡ଼କୁ ଦୃଷ୍ଟିରେ ରଖି ପୋଲିସ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ହୋଇଛି । ସୁରକ୍ଷା ବ୍ୟବସ୍ଥାରେ ୬ ପ୍ଲାଟୁନ ପୋଲିସ ଫୋର୍ସ ଓ ୨୮ଟି ପାଟ୍ରୋଲିଂ ଟିମ୍ ନିୟୋଜିତ ଅଛନ୍ତି ।
ଏଠାରେ ଉଲ୍ଲେଖଯୋଗ୍ୟ, ପ୍ରଶାସନ ପକ୍ଷରୁ ଗତକାଲି ଗୋଷାଣୀ ଯାତକୁ ସ୍ଥଗିତ ରଖାଯିବା ସହ ଆଜି ହେବାକୁ ସ୍ଥିରୀକୃତ ହୋଇଥିଲା ।
