ଭୁବନେଶ୍ୱର, ଧାମନଗର ଉପନିର୍ବାଚନ ପାଇଁ ବିଜେପି ସମ୍ପୂର୍ଣ୍ଣ ପ୍ରସ୍ତୁତ ଅଛି ବୋଲି କହିଛନ୍ତି ବିରୋଧୀ ଦଳ ନେତା ଜୟନାରାୟଣ ମିଶ୍ର । ପ୍ରଦେଶ ନିର୍ବାଚନ କମିଟି ଖୁବ ଶୀଘ୍ର ବୈଠକ କରି ପ୍ରାର୍ଥୀଙ୍କ ନାମ ପଠାଇବ । ସଂସଦୀୟ ବୋର୍ଡ ପ୍ରାର୍ଥୀ ଚୟନ କରିବ । ଦଳ ପାଖରେ ଅନେକ ଗୁଡ଼ିଏ ବିକଳ୍ପ ଅଛି । ତା ଭିତରୁ ଜଣଙ୍କୁ ପ୍ରାର୍ଥୀ କରାଯିବ ।
ସେ ଆହୁରି କହିଛନ୍ତି, ଧାମନଗର ଆସନ ବିଜେପିର ଥିଲା । ଧାମନଗରରେ ୱାର୍ଡ ସ୍ତର ପର୍ଯ୍ୟନ୍ତ ଦଳର ସଙ୍ଗଠନ ଅଛି । ଆଉ ନୂଆ କିଛି କରିବାକୁ ପଡ଼ିବ ନାହିଁ । ଲଢେଇ ଜୋରଦାର ହେବ । ଏଠାରେ ବିଜେପିର ବିଜୟ ନିଶ୍ଚିତ । ସ୍ୱର୍ଗତ ବିଷ୍ଣୁ ସେଠୀ ଓ ବିଜେପି ପ୍ରତି ଲୋକଙ୍କର ସ୍ନେହ ଶ୍ରଦ୍ଧା ଅଛି । ଆଗ୍ରେସିଭ ମୁଡରେ ଦଳ ଆଗକୁ ବଢ଼ିବ । ପୂଜା ପରେ ଅନେକ କାର୍ଯ୍ୟକ୍ରମ ହାତକୁ ନିଆଯିବ ।
ସେମି ଫାଇନାଲ ବି ଆମେ ଖେଳିବୁ, ଫାଇନାଲ ବି ଆମେ ଖେଳିବୁ । ବିଜେଡି ଓ ବିଜେପିକୁ ଛାଡ଼ି ଦେଲେ ଅନ୍ୟ ଟିମ ହିଁ ନାହିଁ । ବିଜେପି ଫାଇନାଲ ମ୍ୟାଚ ଜିତିବାକୁ ଚାହୁଁଛି । ଫାଇନାଲ ପୂର୍ବରୁ ଦୁଇଟି ଉପନିର୍ବାଚନ ପ୍ରାକ୍ଟିସ ମ୍ୟାଚ ହେବ । ଏଗୁଡ଼ିକୁ ବି ଜିତିବାକୁ ପ୍ରୟାସ କରିବୁ ବୋଲି କହିଛନ୍ତି ଜୟନାରାୟଣ ।
