କନ୍ଧମାଳ, କନ୍ଧମାଳ ଜିଲ୍ଲା ଫୁଲବାଣୀ ବିଧାନସଭା ନିର୍ବାଚନ ମଣ୍ଡଳୀର କାର୍ଯ୍ୟକର୍ତ୍ତା ସମ୍ମିଳନୀ ଫିରିଙ୍ଗିଆ ଠାରେ ବିଧାନସଭା ସଂଯୋଜକ ଜର୍ବାସ ଦିଗାଲ ଜିଲ୍ଲା ଆବାହକ ବଳରାମ ଦିଗାଲ ଏବଂ ଜିଲ୍ଲା ପର୍ଯ୍ୟବେକ୍ଷକ ତଥା ଗଞ୍ଜାମ ଜିଲ୍ଲା ସମ୍ପାଦକ ଆଦିତ୍ୟ ନାରାୟଣ ରଥଙ୍କ ତତ୍ଵାବଧାନରେ ମଙ୍ଗଳବାର ଦିନ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମ ସଂଯୋଜକ ଦିଲ୍ଲୀପ ଦିଗାଲ ଏବଂ ଅନ୍ୟ ସାଥୀ ମାନଙ୍କୁ ନେଇ ଏକ ଶୋଭାଯାତ୍ରା ବାହାରି ସହର ପରିକ୍ରମା କରି ପଥପ୍ରାନ୍ତ ସଭା ମାଧ୍ୟମରେ ଲୋକଙ୍କୁ ଆପ୍ ବିଷୟରେ ସଚେତନ କରାଯାଇଥିଲା। ଅରବିନ୍ଦ କେଜ୍ରିୱାଲଙ୍କ କାମ ଏବଂ ପାର୍ଟିର ବିଚାରଧାରାରେ ଅନୁପ୍ରାଣିତ ହୋଇ ଅନେକ ସକ୍ରିୟ କର୍ମୀ ଅନ୍ୟ ଦଳରୁ ଆସି ପାର୍ଟିରେ ଯୋଗ ଦେଇଥିଲେ।
ଜିଲ୍ଲା ଉପ ସଭାପତି ଯୌବନ ମଲ୍ଲିକ, ମୁଖପାତ୍ର ଗିରିଶ ପଟ୍ଟନାୟକ, ଆଇନ ପରାମର୍ଶଦାତା ରଜତ କୁମାର ନାୟକ, ନାରୀନେତ୍ରୀ ରଶ୍ମିତା ପଟ୍ଟନାୟକ, ଉମେଶ ପାତ୍ର, ରାଜକିଶୋର ପାଢ଼ୀ, ମହେନ୍ଦ୍ର ମଲ୍ଲିକ ପ୍ରମୁଖ ବକ୍ତବ୍ୟ ରଖି ସଂଗଠନକୁ ଦୃଢ଼ କରିବାକୁ ସଂକଳ୍ପ ନେଇଥିଲେ।
