-
ଆଦାନି ସ୍ପୋର୍ଟସଲାଇନ୍ର ଗୁଜୁରାଟ ଜିଆଂଟ ଟିମ ପାଇଁ ଖେଳିବେ ମ୍ୟାଚ
କଟକ: ଆଦାନି ସ୍ପୋର୍ଟସଲାଇନ ଅଧିକୃତ ଗୁଜୁରାଟ ଜିଆଂଟ ଟିମ୍ ପାଇଁ ଏକ ବଡ଼ ଉତ୍ସାହର ଅବସର । କାରଣ କଟକ ବାରବାଟି ଷ୍ଟାଡିୟମ ଠାରେ ଆୟୋଜିତ ଲିଜେଣ୍ଡ ଲିଗ କ୍ରିକେଟ ମ୍ୟାଚରେ ଗୁୁଜୁରାଟ ଟିମ ପାଇଁ ମଇଦାନକୁ ଓହ୍ଲାଇବାକୁ ଯାଉଛନ୍ତି ବିଶ୍ୱର ପ୍ରସିଦ୍ଧ ବ୍ୟାଟ୍ସମ୍ୟାନ କ୍ରିଶ ଗେଲ । ଏହାଛଡ଼ା ଗେଲ ଏବଂ ବିରେନ୍ଦ୍ର ସେହୱାଗଙ୍କ ଭଳି ବିଧ୍ୱଂସୀ ବ୍ୟାଟରଙ୍କୁ ଏକତ୍ର ମଇଦାନରେ ଆକ୍ସନ ମୋଡ଼ରେ ଦେଖିବା ପ୍ରଶଂସକମାନଙ୍କ ପାଇଁ ନିଶ୍ଚିତ ରୂପେ ଏକ ସୁଯୋଗର ବିଷୟ । ଏହି ଉଭୟ ବ୍ୟାଟର ନିଜର ଆକ୍ରାମଣାତ୍ମକ ବ୍ୟାଟିଙ୍ଗ ସହିତ ବିପକ୍ଷ ବୋଲରଙ୍କୁ ଧୂଳି ଚଖାଇବା ପାଇଁ ପରିଚିତ ।
ଦୁନିଆର ସବୁଠାରୁ ମହାନ ଟି୨୦ ବ୍ୟାଟ୍ସମ୍ୟାନଙ୍କ ମଧ୍ୟରୁ ଅନ୍ୟତମ ଗେଲଙ୍କ ନାମରେ ସବୁଠାରୁ ଅଧିକ ଟି୨୦ ଛକା ମାରିଥିବାର ରେକର୍ଡ ରହିଛି । ୱେଷ୍ଟଇଣ୍ଡିଜର ଏହି ଦୁଃସାହସିକ ଖେଳାଳୀ ୪୬୩ଟି ମ୍ୟାଚରେ ୧୦୫୬ ଛକା ମାରିଛନ୍ତି । ଆଦାନି ସ୍ପୋର୍ଟସଲାଇନର ଗୁଜୁରାଟ ଜିଆଂଟ ଟିମ୍ ବର୍ତମାନ ଚରୋଟି ମ୍ୟାଚରେ ପାଂଚୋଟି ପଏଂଟ ସହିତ ପଏଂଟ ଟେବଲରେ ଦ୍ୱିତୀୟ ସ୍ଥାନରେ ରହିଛି । ତଥାପି ଯଦି ଶେହୱାଗଙ୍କ ନେତୃତ୍ୱାଧୀନ ଗୁଜୁରାଟ ଜିଆଂଟ ଟିମ ଇରଫାନ ପଠାନଙ୍କ ନେତୃତ୍ୱାଧୀନ ଏଲଏନଜେ ଭିଲୱାରା କିଙ୍ଗସକୁ ହରାଇ ପାରନ୍ତି ତେବେ ସେମାନଙ୍କ ପାଖରେ ପୁଣି ଏକ ନମ୍ବର ସ୍ଥାନ ହାସଲ କରିବାର ସୁଯୋଗ ରହିବ ।
ଭାରତରେ ପ୍ରଥମ ଥର ଆୟୋଜିତ ସ୍କାଏ୨୪୭ ଡଟ୍ ନେଟ୍ ଲିଜେଣ୍ଡ ଲିଗ କ୍ରିକେଟ ସମଗ୍ର ଭାରତରୁ କିମ୍ବଦନ୍ତୀ କ୍ରିକେଟରଙ୍କୁ ଏକତ୍ର ନେଇ ଆଣି ସମସ୍ତ ଦର୍ଶକଙ୍କୁ କ୍ରିକେଟ ଆକ୍ସନ ସହିତ ଚକିତ କରିଦେଇଛି ।
