ଭୁବନେଶ୍ୱର , ମୋ ବସରୁ ୧୫ ହଜାର ଟଙ୍କା ଚୋରି ଘଟଣାରେ ଲୁଟ୍ ର ଶୀକାର କ୍ୟାନସର ରୋଗୀଙ୍କୁ ଟଙ୍କା ଫେରାଇଛି ପୋଲିସ୍ ।ଗତ ୨୧ ତାରିଖରେ ଆନନ୍ଦ ଗୌଡ଼ ନାମକ ଜଣେ ରୋଗୀ କଟକର ଏକ ହସ୍ପିଟାଲକୁ ମୋ ବସ୍ ରେ ଯାଉଥିବା ବେଳେ ପାଖରୁ ଟଙ୍କା ଚୋରି ହୋଇଥିଲା । ଚିକିତ୍ସା ପାଇଁ ବହୁ କଷ୍ଟରେ ଟଙ୍କା ଯୋଗାଡ କରିଥିଲେ । ସେହି ଟଙ୍କା ଚୋରି ହୋଇଯିବାରୁ ଆନନ୍ଦ କାନ୍ଦି କାନ୍ଦି ଥାନାରେ ଅଭିଯୋଗ କରିଥିଲେ । ତେବେ ମଙ୍ଗଳବାର ସହୀଦନଗର ଥାନା ପୋଲିସ୍ ଚୋରଙ୍କ ଠାରୁ ଜବତ କରିଥିବା ଟଙ୍କାକୁ ଆନନ୍ଦଙ୍କୁ ଫେରାଇଛି ।
