ଝାରସୁଗୁଡ଼ା -ଚଳନ୍ତା ଟ୍ରେନରେ ଚଢୁଥିବାବେଳେ ଖସିପଡିବାରୁ ଜଣେ ଯୁବକ ଦୁଇ ଗୋଡ ହରାଇଛନ୍ତି ।
ଘଟଣାରୁ ପ୍ରକାଶ ମଙ୍ଗଳବାର ଦିନ ୧୧ ଟା ସମୟରେ ସମ୍ବଲପୁରରୁ ରାଉରକେଲା ଯାଉଥିବା ଡିମୟୁ ଟ୍ରେନ ଝାରସୁଗୁଡ଼ା ରେଳ ଷ୍ଟେସନର ୨ନମ୍ବର ପ୍ଲାଟଫର୍ମରୁ ଛାଡିବାକୁ ଯାଉଥିଲା ।ଏହି ସମୟରେ ସଞ୍ଜୟ କର (୩୧) ନାମକ ଜଣେ ଯୁବକ ଚଢ଼ିବାକୁ ଚେଷ୍ଟା କରୁଥିବାବେଳେ ତାଙ୍କ ଗୋଡ ଖସିଯିବାରୁ ସେ ଟ୍ରେନ ଚକ ତଳେ ପଡିଯାଇଥିଲେ । ଫଳରେ ତାଙ୍କର ଉଭୟ ଗୋଡ଼ କଟିଯାଇଥିଲା । ତାଙ୍କୁ ସ୍ଥାନୀୟ ଯୁବକଙ୍କ ସହାୟତାରେ ଝାରସୁଗୁଡ଼ା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ସେ ଛତିଶଗଡ଼ ହଙ୍କର ଅଂଚଳର ବୋଲି ଜଣାପଡିଛି ।
