ଗଞ୍ଜାମ, ଗଞ୍ଜାମ ଜିଲ୍ଲା ଶେରଗଡ଼ ବ୍ଲକରେ ସାରର ଘୋର ଅଭାବ ପରଲକ୍ଷିତ ହୋଇଛି । ମୁଖ୍ୟମନ୍ତ୍ରୀଙ୍କ ନିର୍ବାଚନମଣ୍ଡଳୀ ଅନ୍ତର୍ଗତ ଶେରଗଡ଼ ବ୍ଲକରେ ସାରର ଘୋର ଅଭାବ ଦେଖାଯାଇଛି । ଅନିୟମିତ ବର୍ଷା, ବିଳମ୍ବ ଚାଷ କାର୍ଯ୍ୟ ଲାଗି ଚାଷୀ ପଛରେ ପଡିଯାଇଛି । ଏହା ସାଙ୍ଗକୁ ସାର ଅଭାବ ଚାଷୀ ମନବଳକୁ ଦୁର୍ବଳ କରିଦେଇଛି । ଚାଷୀ କଳାବଜାରରେ ଅତ୍ୟଧିକ ଦରରେ ସାର କିଣିବାକୁ ବାଧ୍ୟ ହେଉଛି । ବିଶେଷ କରି ତହଁର, ପିତଳ, ବ୍ରାହ୍ମଣଛାଇ, ନରେନ୍ଦ୍ରପୁର ପଂଚାୟତରେ ସାରର ଅଭାବ ଦେଖାଯାଇଛି । ତୁରନ୍ତ ଏହିସବୁ ଅଂଚଳକୁ ପର୍ଯ୍ୟାପ୍ତ ସାରଯୋଗାଣ ପାଇଁ ଦାବି ହେଉଛି ।
