ଭୁବନେଶ୍ୱର, କଂଗ୍ରେସର ଭାରତ ଯୋଡ଼ ଓଡ଼ିଶା କାର୍ଯ୍ୟକ୍ରମର ସୁପରିଚାଳନା ପାଇଁ କଂଗ୍ରେସ ସେବା ଦଳର ଅଧ୍ୟକ୍ଷ ଡଃ ଆର୍ଯ୍ୟକୁମାର ଜ୍ଞାନେନ୍ଦ୍ର ରାଜ୍ୟ କଂଗ୍ରେସ ସେବା ଦଳ ଷ୍ଟିୟରିଂ କମିଟିର ସଦସ୍ୟ ମନୋଜ ସାହୁଙ୍କୁ ମୁଖ୍ୟ ସଂଯୋଜକ ଓ ଷ୍ଟିୟରିଂ କମିଟିର ଅନ୍ୟତମ ସଦସ୍ୟ ଦିଲ୍ଲୀପ କୁମାର ପଣ୍ଡା, ଆଡ଼ଭୋକେଟ ରମେଶ ବରାଳ ଓ ମହମ୍ମଦ ସହାଦୁଲ୍ଲାଙ୍କୁ ସଂଯୋଜକ ଏବଂ ମିଡ଼ିଆ ସଂଯୋଜକ ଭାବେ ସମାଜସେବୀ, ପୂର୍ବ ସୈନିକ, ରୋଟାରିୟାନ ବରୁଣ ରାଜଙ୍କୁ ମନୋନୀତ କରିଛନ୍ତି ବୋଲି ଏକ ପ୍ରେସ୍ ବିଜ୍ଞପ୍ତିରେ ଜଣାଇଛନ୍ତି । ଡଃ ଜ୍ଞାନେନ୍ଦ୍ର ଆହୁରି କହିଛନ୍ତି ଯେ, ଓଡ଼ିଶାରେ ଏହି ତିନିମାସିଆ କାର୍ଯ୍ୟକ୍ରମକୁ ସଫଳ କରିବା ପାଇଁ ଜିଲ୍ଲା କର୍ମକର୍ତାମାନଙ୍କର ଏକ ପ୍ରଶିକ୍ଷଣ ଶିବିର ଆସନ୍ତା ଅକ୍ଟୋବର ୧୫ ଓ ୧୬ ତାରିଖରେ କଂଗ୍ରେସ ଭବନଠାରେ ଅନୁଷ୍ଠିତ ହେବ । ଏହି ଶିବିରକୁ ପ୍ରଦେଶ କଂଗ୍ରେସ ସଭାପତି ଶରତ ପଟ୍ଟନାୟକ ଉଦ୍ଘାଟନ କରିବେ ଓ ବିଶିଷ୍ଟ ଗାନ୍ଧିବାଦୀ ନ୍ୟାୟମୂର୍ତି ମନୋରଞ୍ଜନ ମହାନ୍ତି ଓ ପ୍ରଫେସର ଡଃ ବୁଦ୍ଧଦେବ ମିଶ୍ର ଶିବିରାର୍ଥୀମାନଙ୍କୁ ଗାନ୍ଧୀ ଦର୍ଶନ ଉପରେ ବକ୍ତବ୍ୟ ରଖିବେ ।
