ନୂଆପଡ଼ା, ନୂଆପଡା ଜିଲ୍ଲା କୋମନା ଠୁଟିବର ଗ୍ରାମରେ ଗୁଳିକାଣ୍ଡ, ଦାଦାଵଟି ମାଗି ଗୁଳିଚାଳନା। ଫଳରେ ସ୍ତ୍ରୀର ମୃତ୍ୟୁ ଘଟିଥିବା ବେଳେ ସ୍ବାମୀ ଶରତ ସାହୁ ଅଳ୍ପକେ ବର୍ତ୍ତିଛନ୍ତି। ଗତ ରାତି ୧୧ଟା ସମୟରେ ନିଳାମ୍ବର ସୁନା ନାମକ ବ୍ୟକ୍ତି ଶରତଙ୍କ ଘରକୁ ପଶି ଦାଦାଵଟି ମାଗିଥିଲେ। ୧୦ ହଜାର ଟଙ୍କା ଦାବୀ କରିଥିବା ବେଳେ କେଉଁଠାରୁ ଆଣି ଦେବି ବୋଲି କହିଥିଲେ ଶରତ। ଶରତଙ୍କ ସ୍ତ୍ରୀ ସେହି ଗ୍ରାମର ହୋଇଥିବାରୁ ରହ ରହ କହିବାରୁ ନିଳାମ୍ବର ତାଙ୍କ ଉପରକୁ ଗୁଳି ଚଳାଇ ଥିଲା। ଯଦ୍ଵାରା ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା। ଦୁଇ ମାସ ତଳେ ଏକ ହତ୍ୟା ଘଟଣାରେ ନିଳାମ୍ବର ଜେଲ ଯାଇଥିଲା। ସେ ଜେଲ ଫେରନ୍ତା ବୋଲି ଶରତ କହିଛନ୍ତି।
