କନ୍ଧମାଳ,ଦୃଢ ଇଚ୍ଛା-ଶକ୍ତି, କଠିନ ପରିଶ୍ରମ, ଆଗ୍ରହ ଯେକୌଣସି ବ୍ୟକ୍ତିକୁ ସଫଳତା ଆଣିଦେଇଥାଏ। ସେହିପରି ଫୁଲବାଣୀ ସହରର ଗୋଟିଏ ଚା ଦୋକାନୀର ପୁଅ ନିଟ୍ ସର୍ବ ଭାରତୀୟ ସ୍ତରରେ ନିଟ ଏଣ୍ଟ୍ରାନସ ପରୀକ୍ଷାରେ ଭଲ ନମ୍ବର ରଖି କୃତକାର୍ଯ୍ୟ ହୋଇଛନ୍ତି। ଫୁଲବାଣୀର କଣ୍ଟ୍ରାକ୍ଟର ପଡାର ବାସୀନ୍ଦା ଶିବ ଶଙ୍କର ବେହେରାଙ୍କ ବଡ଼ ପୁଅ ସୂରଜ ମୋଟ ୬୩୫ ନମ୍ବର ରଖି ୮୬୫ ନମ୍ବର ରେଙ୍କ ରଖିଛନ୍ତି । ସୁରଜଙ୍କ ବାପା ମେଡିକାଲ ଛକରେ ଚା ଦୋକାନ କରି ନିଜ ପରିବାର ପୋଷନ୍ତି । ବାପାର ଇଚ୍ଛା ରହିଥିଲା ପୁଅ ଡାକ୍ତର ହୋଇ ରୋଗୀ ସେବା କରୁ । ଆର୍ଥିକ ଅଭାବ ସର୍ତ୍ତେ ସୂରଜ ନିଜ ଲକ୍ଷ୍ୟ ହାସଲ କରିଛନ୍ତି। ନିଟ୍ ଏଣ୍ଟ୍ରାନ୍ସ ପାଞ୍ଚ ଥର ଦେଇ ବିଫଳ ହୋଇ ଶେଷରେ ସୁରଜ ଲକ୍ଷ୍ୟ ହାସଲ କରିଛନ୍ତି। ଦୃଢ଼ ମନୋବଳ ହିଁ ତାଙ୍କୁ ଏହି ସଫଳତା ଆଣି ଦେଇଥିବା କହିଛନ୍ତି ସୁରଜ । ପୁଅର କୃତକାର୍ଯ୍ୟରେ ବାପା ଶିବ ଶଙ୍କର ବେହେରା ଓ ପରିବାର ଖୁସି ବ୍ୟକ୍ତ କରିଛନ୍ତି।
