ପୁରୀ, ପୂର୍ଣ୍ଣିମା ତିଥିରେ ଆଜି ଶ୍ରୀମନ୍ଦିରରେ ପବିତ୍ର ଇନ୍ଦ୍ର ଗୋବିନ୍ଦ ବନ୍ଦାପନା ଓ ଇନ୍ଦ୍ର ହାତୀ ପ୍ରସ୍ତାବ ନୀତି ଅନୁଷ୍ଠିତ ହେଉଅଛି । ଶ୍ରୀ ଦୋଳଗୋବିନ୍ଦ ଠାକୁର ଦକ୍ଷିଣି ଘର ଭୋଗ ଶେଷ ପରେ, ମହାପ୍ରଭୁ ଶ୍ରୀଜଗନ୍ନାଥଙ୍କ ଆଜ୍ଞାମାଳ ପାଇ ଘଂଟ, ଛତା, କାହାଳୀ ସହ ପାଲିଙ୍କିରେ ବଡ଼ଛତା ମଠ ପାର୍ଶ୍ଵରେ ବିଜେ କରିବେ । ସେଠାରେ ଶୀତଳ ଭୋଗ ହେବ । ଏହା ପରେ ଇନ୍ଦ୍ର, ଚନ୍ଦ୍ର ଓ ଗୋବିନ୍ଦଙ୍କୁ ବନ୍ଦାପନା କରାଯିବ । ଏହିଦିନ ଏଠାକୁ ବାସେଳି ସାହିରୁ ଇନ୍ଦ୍ର ହାତୀ (ହାତୀ ବେଶରେ ଜଣେ ବ୍ୟକ୍ତି) ଆସନ୍ତି । ବନ୍ଦାପନା ଶେଷ ପରେ ଶ୍ରୀ ଦୋଳଗୋବିନ୍ଦ ବଡ଼ ଦେଉଳକୁ ବିଜେ କରିବେ ।
