ନୂଆପଡ଼ା,ନୂଆପଡା ଜିଲ୍ଲା ଖଡ଼ିଆଳ ସ୍ଥିତ ସାଂସ୍କୃତିକ ଅନୁଷ୍ଠାନ ପରିସର ମଧ୍ୟରେ ଖଡ଼ିଆଳ ମହୋତ୍ସବ ପାଳନ ନେଇ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ କମିଟି ଅଧ୍ୟକ୍ଷ ଜିତେନ୍ଦ୍ର ନାଥ ପଟ୍ଟନାୟକ ଅଧକ୍ଷତା କରିଥିବା ବେଳେ ଅତିଥି ରୂପେ ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ ଯୋଗଦେଇ ଜନସାଧାରଣଙ୍କୁ ମହୋତ୍ସବ ପାଳନ ପାଇଁ ଆହ୍ବାନ କରିଛନ୍ତି। ସେହିପରି ଖଡ଼ିଆଳ ନଗର ଅଧ୍ୟକ୍ଷ ଉଜ୍ଜଳ ଗୁପ୍ତା, ଡ଼ଃ.ରାମଚନ୍ଦ୍ର ମିଶ୍ର, ଜଗବନ୍ଧୁ ବାରିକ, ସୁଧୀର ପଟ୍ଟନାୟକ, ନିମାଇଁ ଚରଣ ତାଣ୍ଡି, ମହେଶ ଦଣ୍ଡସେନା, ସୁନୀଲ କୁମାର ସାହୁ ପ୍ରମୁଖ ଯୋଗ ଦେଇଥିଲେ।
ବିଗତ ଦୁଇ ବର୍ଷ କୋଭିଡ କଟକଣାରେ ମହୋତ୍ସଵ ପାଳନ ବନ୍ଦ ରହିଥିଲା। ଚଳିତ ବର୍ଷ ପୁଣି ମହୋତ୍ସବ ପାଳନ ସ୍ତିରୀକୃତି ହୋଇଅଛି। ପୁରାତନ କମିଟିକୁ ଚଳିତ ବର୍ଷ ପୂର୍ଣ୍ଣ ଦାୟିତ୍ବ ପ୍ରଦାନ କରିଥିବା ବେଳେ ଲୋକଙ୍କ ମହୋତ୍ସବ ପାଳନରେ ସମସ୍ତେ ସାମିଲ ହେବା ପାଇଁ ଆହ୍ବାନ କରିଛନ୍ତି। ଏନେଇ ଉପକମିଟି ଗଠିତ ହୋଇଅଛି।
