-
ହଇରାଣ ହରକତ ହେଲେ ସାଧାରଣ ଲୋକେ
ଭୁବନେଶ୍ୱର, ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜୀବନ ବ୍ୟାପୀ ସାଧନା ପାଇଁ ସମ୍ମାନିତ କରା ଯିବା ପରେ ତାଙ୍କୁ ସ୍ୱାଗତ କରା ଯିବାରୁ ହଜାର ହଜାର ସଂଖ୍ୟାରେ ବିଜେଡି କର୍ମୀ ମାନେ ଆସିବା କାରଣରୁ ରାଜଧାନୀ ଭୁବନେଶ୍ୱରର ଟ୍ରାଫିକ ବ୍ୟବସ୍ଥା ବିପର୍ଯ୍ୟସ୍ତ ହୋଇ ପଡିଛି । କମିଶରେଟ ପୋଲିସ ସମସ୍ତ ବ୍ୟବସ୍ଥା କରିଥିବା ପାଇଁ ଦାବି କରିଥିବା ସତ୍ୱେ ସାଧାରଣ ଲୋକ ମାନେ ଯିବା ଆସିବା ପାଇଁ ନାହିଁ ନ ଥିବା ଅସୁବିଧାର ସମ୍ମୁଖୀନ ହୋଇଛନ୍ତି ।
ବିଜେଡିର ଏହି ସମ୍ବର୍ଧନା କାର୍ଯ୍ୟକ୍ରମ ପାଇଁ ହଜାର ହଜାର ସଂଖ୍ୟାରେ ବିଜେଡି କର୍ମୀ ପହଂଚିବା କାରଣରୁ ରାଜଧାନୀର ବିଭିନ୍ନ ଛକରେ ଭାରୀ ଭୀଡ ଓ ଲମ୍ବା ଲାଇନ ଦେଖିବାକୁ ମିଳିଛି । ବିଶେଷ ଭାବେ ନିଜ ନିଜ ଅଫିସକୁ ଯାଉଥିବା ଲୋକ ମାନେ ତଥା ସ୍କୁଲ ପିଲା ମାନଙ୍କୁ ଛାଡିବାକୁ ଯାଉଥିବା ଅଭିଭାବକ ମାନେ ଲମ୍ବା ଜାମରେ ଫସି ଥିବା ଦେଖିବାକୁ ମିଳିଥିଲା ।
ସେହିପରୁ ଭୁବନେଶ୍ୱର ବିମାନ ବନ୍ଦରରେ ଯାତ୍ରୀ ମାନେ ମଧ୍ୟ ଅକଥନୀୟ ହଇରାଣର ସମ୍ମୁଖୀନ ହୋଇଛନ୍ତି । ଯାହାଙ୍କର ବିମାନ ଥିଲା ସେମାନଙ୍କୁ ତାଙ୍କର ବିମାନ ସମୟର ତିନି ଘଂଟା ପୂର୍ବରୁ ପହଂଚିବାକୁ କମିଶନରେଟ ପୋଲିସ ପକ୍ଷରୁ କୁହା ଯାଇଥିଲା । ତେଣୁ ଯାତ୍ରୀ ମାନେ ଖୁବ ପୂର୍ବରୁ ବିମାନ ବନ୍ଦରରେ ପହଂଚିଥିବା ଦେଖିବାକୁ ମିଳିଥିଲା । ସେହିପରି ଭୁବନେଶ୍ୱର ବିମାନ ବନ୍ଦରରେ ପହଂଚୁଥିବା ଯାତ୍ରୀ ମାନେ ମଧ୍ୟ ଅକଥନୀୟ ହଇରାଣ ହେବା ଦେଖିବାକୁ ମିଳିଛି ।
