ମାଲକାନଗିରି, ପତ୍ନୀଙ୍କ କିଡନୀ ବିକ୍ରି କରି ଟଙ୍କା ହଡ଼ପ କରିଥିବା ସ୍ବାମୀଙ୍କୁ ପୁଲିସ ଶେଷରେ ଗତକାଲି ଗିରଫ କରିଛି । ମାଲକାନଗିରି ଥାନା ଅନ୍ତର୍ଗତ କତାମେଟା ଗ୍ରାମର ପ୍ରଶାନ୍ତ କୁଣ୍ଡୁ,ରଞ୍ଜିତା କୁଣ୍ଡୁଙ୍କୁ ପ୍ରେମ ବିବାହ କରିଥିଲେ । ବିବାହ ପରେ ଦୁଇଟି ସନ୍ତାନ ଜନ୍ମ ହୋଇଥିଲେ । କିନ୍ତୁ, ପ୍ରଶାନ୍ତ ସବୁବେଳେ ଯୌତୁକ ପାଇଁ ପତ୍ନୀଙ୍କୁ ମାରଧର କରିବା ସହ ନିର୍ଯାତନା ଦେଉଥିଲେ । ଶେଷରେ କିଡନୀ ବିକ୍ରି କରି ଟଙ୍କା ଦେବାକୁ ବାଧ୍ୟ କରି ଜବରଦସ୍ତ କିଡନୀ ବିକ୍ରି କରି ଟଙ୍କାକୁ ଆତ୍ମସାତ କରିଥିଲା । ଏନେଇ ମାଲକାନଗିରି ଥାନାରେ ପତ୍ନୀ ଏତଲା ଦେଇଥିଲେ । ପୁଲିସ ଏତଲାକୁ ଭିତ୍ତି କରି ପ୍ରଶାନ୍ତଙ୍କୁ ଗିରଫ କରି କୋର୍ଟଚାଲାଣ କରିଛି।
