-
ପୂଜା ଅବସରରେ ୱାଲ ମାଗାଜ଼ୀନ ଉଦଘାଟିତ,
କୈଳାଶ ଚନ୍ଦ୍ର ପଣ୍ଡା,ପୁରୀ
ପୁରୀ ରାମକୃଷ୍ଣ ମିଶନ ର ବ୍ରହ୍ମାନନ୍ଦ ଛାତ୍ରାବାସର ଅନ୍ତେବାସୀଙ୍କ ଦ୍ଵାରା ଗଣେଶ ପୂଜା ଅବସର ରେ ଏକ ୱାଲ ମାଗାଜ଼ୀନ ଉଦଘାଟିତ ହୋଇଯାଇଛି । ଛାତ୍ର ମାନଙ୍କର ଅନ୍ତର୍ନିହିତ ଗୁଣର ବିକାଶ ଉଦ୍ଦେଶ୍ୟରେ ଦୀର୍ଘଦିନ ର ଏହି ପତ୍ରିକା ପ୍ରକାଶ କରାଯାଉଛି। ଛାତ୍ର ମାନେ କାଗଜ ରେ ବିଭିନ୍ନ ଶିକ୍ଷଣୀୟ ଗଳ୍ପ ,କବିତା ଓ କାହାଣୀ ମାନ ଶ୍ରୀଗଣେଶ ଙ୍କ ଉପରେ ଲେଖିଥାନ୍ତି ।ଏଥିରେ ବିଭିନ୍ନ ଚିତ୍ରକଳା ମଧ୍ୟ ପ୍ରକାଶ ପାଇଛି । ଏହାକୁ ଆଶ୍ରମ ର ଅଧକ୍ଷ ସ୍ବାମୀ ଅପ୍ତେଶ୍ୱରଣନନ୍ଦ ଜୀ ମହାରାଜ ଉନ୍ମୋଚିତ କରିଥିଲେ ।ଏହି ଉତ୍ସବ ରେ ଛାତ୍ରାବାସ ର ତତ୍ତ୍ୱାବଧାରକ ସ୍ବାମୀ ୟୋଗପୂର୍ଣ୍ଣାନନ୍ଦ ଜୀ ମହାରାଜ,ଆଶ୍ରମ ପରିଚାଳନା କମିଟି ର ସଦସ୍ୟ ଧନଜୟ ଦାସ, ମଣିରାମ,ପଦ୍ମଲୋଚନ ନାୟକ,ପରିତୋଷ ବାନାର୍ଜୀ, ସୂତପା ଦାସ,ସୁଶାନ୍ତ ନାୟକ ଯଜ୍ଞଶ୍ୱର ମହାନ୍ତି ପ୍ରମୁଖ ଉପସ୍ଥିତ ରହି ଛାତ୍ର ମାନଙ୍କୁ ଉତ୍ସାହିତ କରିଥିଲେ ।ଏହି ପତ୍ରିକାକୁ ସମ୍ପାଦକ ସଦାନନ୍ଦ ସିଂ, ସହସମ୍ପାଦକ ବୁଧୁରମ୍ ଟୁଡୁ ସମ୍ପାଦନା କରିଥିଲାବେଳେ ଚିତ୍ରଶିଳ୍ପୀ ଓ ସହଚିତ୍ର ଶିଳ୍ପୀ ବିକ୍ରମ ଟୁଡୁ ଓ ନୀତିଶ ସୋଏ ଗଣେଶ ଙ୍କ ଏକ ସୁନ୍ଦର ଚିତ୍ର ଆଙ୍କିଛନ୍ତି। ସାଗର ସୋରେନ, କିଶୁନ ଟୁଡୁ, ସୁନାରାମ ଟୁଡୁ, ଚନ୍ଦନ ବେଶ୍ରା , ଶାଙ୍ଖ ମୁର୍ମୁ ପ୍ରଭୃତି ଙ୍କ ଲେଖା ଉଚ୍ଚ ପ୍ରଂଶଶିତ ହୋଇଥିଲା। ଲିପିକାର ଓ ସହଲିପିକାର ଆଦିତ୍ୟ ମାର୍ଣ୍ଡି ଓ ରଘୁନାଥ ମୁର୍ମୁ ଏହିସବୁ ଲେଖାକୁ ଲିପିବଦ୍ଧ କରିଥିଲେ।
