ବାରିପଦା, ଲୁଟ୍ କରି ଚମ୍ପଟ୍ ମାରିବା ବେଳେ ଧରାପଡିଛନ୍ତି ୬ ଡ଼କାୟତ । ପାଟ୍ରୋଲିଂ ବେଳେ ଏହି ୬ ଡ଼କାୟତଙ୍କୁ ଧରିବାରେ ସଫଳ ହୋଇଛି ରାସଗୋବିନ୍ଦପୁର ଥାନା ପୋଲିସ । ଏମାନେ ଏରୋଡ୍ରମ୍ ଫିଲ୍ଡ ରାସ୍ତାରେ ଛେଳି ବେପାରୀଙ୍କୁ ଲୁଟ୍ କରି ଚମ୍ପଟ୍ ମାରିବାକୁ ଉଦ୍ୟମ କରୁଥିବା ବେଳେ ପୋଲିସ ହାତରେ ଧରା ପଡିଥିଲେ । ଗିରଫ ଡ଼କାୟତ ମାନଙ୍କ ନିକଟରୁ ଏକ କାର୍, ପ୍ରାୟ ୧ ଲକ୍ଷ ଟଙ୍କା, ଗୋଟିଏ ପିସ୍ତଲ ଏବଂ ଲୁଟ୍ ରେ ବ୍ୟବହୃତ ମାରଣାସ୍ତ୍ର ଜବତ ହୋଇଛି । ସମସ୍ତ ଅଭିଯୁକ୍ତ ଭୁବନେଶ୍ଵର ଅଂଚଳର ଏବଂ ଏମାନେ ବେପାରୀଙ୍କ ପିଛା କରି ଲୁଟ୍ କରିଥିବା ଜଣାପଡ଼ିଛି।
