ବଲାଙ୍ଗିର, ଆଜି ପୂର୍ବାହ୍ନ ୧୦ଟା ସମୟରେ ବଲାଙ୍ଗିର ହକି ସଂଘ ଆନୁକୁଲ୍ୟରେ ଏ ବି ଏସ୍ ଏସ୍ କ୍ଲବ ଠାରେ ସଂଘର ସଭାପତି ବେଳାର ସିଂ ଭୋଇଙ୍କ ଅଧ୍ୟକ୍ଷତାରେ ଜାତୀୟ କ୍ରୀଡ଼ା ଦିବସ ଓ ଧ୍ୟାନଚାନ୍ଦ ଜୟନ୍ତୀ ପାଳିତ ହୋଇଯାଇଛି। ପ୍ରଥମରେ ସଂଘର ସମ୍ପାଦକ ଆନନ୍ଦିନି ଦର୍ଜି ଦିବସର ତାତ୍ପର୍ଯ୍ୟ କହି ଅତିଥି ମାନଙ୍କୁ ସ୍ଵାଗତ କରିଥିଲେ। ମୁଖ୍ୟ ଅତିଥିଭାବେ କ୍ରୀଡାବିତ୍ ତଥା ଅତିରିକ୍ତ ପୋଲିସ ଅଧୀକ୍ଷକ ସୁରେଶ ପରିଛା, ସମ୍ମାନିତ ଅତିଥିଭାବେ ସାମ୍ବାଦିକ ଗୋପବନ୍ଧୁ ଶତପଥୀ, ମୁକେଶ ବହିଦାର୍, ଡାକ୍ତର୍ ଗୋପାଳ ଚନ୍ଦ୍ର ମିଶ୍ର, ମୁଖ୍ୟ ବକ୍ତା ଭାବେ ପଦ୍ମଲୋଚନ ଆଚାର୍ଯ୍ୟ ଯୋଗଦେଇ ବକ୍ତବ୍ୟ ରଖିଥିଲେ। ସ୍ଵାଗତ ସଙ୍ଗୀତ ଗାନ କରିଥିଲେ ରାମଚନ୍ଦ୍ର ଶତପଥୀ। ପୂର୍ବରୁ ପ୍ରଦୀପ ପ୍ରଜ୍ଜ୍ଵଳନ, ଧୂପ, ପୁଷ୍ପ ମାଳା ଅର୍ପଣ ଅତିଥି ମାନେ କରିଥିଲେ।
ଏହି ଉତ୍ସବରେ ବିଭନ୍ନ ବର୍ଗର କ୍ରୀଡାବିତ ମଧ୍ୟରୁ ପୂର୍ବତନ ବିଧାୟକ ରମାକାନ୍ତ ସେଠ, ସୁଧାଂଶୁ ପାତ୍ର, ନବକୃଷ୍ଣ ପଟେଲ୍, ଦ୍ଵାରିକା ନନ୍ଦ, ଦ୍ଵାରିକାନାଥ ପଟେଲ୍, ସୌମ୍ୟରଞ୍ଜନ ପଟେଲ୍, ଅଜାମ୍ବର ରାଜପାଳିଆ, ଶିବାନନ୍ଦ ସାହାଣୀ, ଶିବାନନ୍ଦ ନାୟକ, ଅଭିଳାଷ ବନଛୋରଙ୍କ ସମେତ ଅନ୍ୟମାନେ ଉପସ୍ଥିତ ଥିଲେ। ଶେଷରେ ବରିଷ୍ଠ କ୍ରୀଡାବିତ୍ ସଂଘର ସକ୍ରୀୟ ସଦସ୍ଯ ହକି ଟ୍ରେନର ପ୍ରଫୁଲ୍ଲ ବେହେରା ଧନ୍ୟବାଦ ଅର୍ପଣ କରିଥିଲେ |
