ବଲାଙ୍ଗିର, ଗତକାଲି ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ ନିଜର ଦଳୀୟ କର୍ମୀ ମାନଙ୍କ ସହ ପୁଇଁତଲା ବ୍ଲକ ଅନ୍ତର୍ଗତ ଛତାପିପଲ ଗାଁ ପରିଦର୍ଶନରେ ଯାଇଥିଲେ। ଏହି ଅବସରରେ ବିଧାୟକ ଶ୍ରୀ ମହାଲିଙ୍ଗ ଗ୍ରାମବାସୀଙ୍କ ବିଭିନ୍ନ ସମସ୍ୟା ସମ୍ପର୍କରେ ପଚାରି ବୁଝିଥିଲେ । ଲୋଇସିଂହା ବ୍ଳକକୁ ଜିଲ୍ଲାର ଏକ ଅଗ୍ରଣୀ ବ୍ଲକ ଭାବରେ ଗଢି ତୋଳିବାରେ ସମସ୍ତଙ୍କ ଅବଦାନ ରହିଛି, ତେଣୁ ଏହି ଅବସରରେ ଶ୍ରୀ ମହାଲିଙ୍ଗ ସମସ୍ତଙ୍କ ସହଯୋଗ କାମନା କରିଥିଲେ। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିଭିନ୍ନ ଜନକଲ୍ୟାଣକାରୀ ଯୋଜନାର ଲାଭ ଯେପରି ସାଧାରଣ ଲୋକ ପାଇପାରିବେ ସେ ନେଇ ଗ୍ରାମବାସୀଙ୍କ ସହ ଆଲୋଚନା କରିଥିଲେ।
ଏହି ପରିଦର୍ଶନ ସମୟରେ ଛତାପିପଲର ସରପଞ୍ଚ ଶ୍ରୀମତୀ ସାଇଲେନ୍ଦ୍ରି ମହାକୁରଙ୍କ ସମେତ ଅଞ୍ଚଳର ବହୁ ବିଜେପି କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
