ବଲାଙ୍ଗିର,ଆଜି ବଲାଙ୍ଗୀର ସହର ସନ୍ନିକଟ ସଦର ବ୍ଲକ ଅଧୀନରେ ଥିବା ସଦେଇପାଲିର ପଲ୍ଲିଶ୍ରୀ ହାଇସ୍କୁଲ ପରିଦର୍ଶନରେ ଯାଇଥିଲେ ବଲାଙ୍ଗୀର ବିଧାୟକ ନରସିଂହ ମିଶ୍ର । ପଲ୍ଲିଶ୍ରୀ ହାଇସ୍କୁଲ ୫-ଟି ରେ ଅନ୍ତର୍ଭୁକ୍ତ ହେବାକୁ ଯାଉଥିବା ବେଳେ ଏହାର ଉନ୍ନତିକରଣ କାମକୁ ଅଗକୁ ବଢ଼ାଇବା ପାଇଁ ସେ ସମସ୍ତଙ୍କୁ ପରାମର୍ଶ ଦେଇଥିଲେ । ଏହି ଅବସରରେ ସ୍କୁଲର ବିଭିନ୍ନ ସମସ୍ୟା ଉପରେ ବିଧାୟକ ଶ୍ରୀ ମିଶ୍ରଙ୍କ ଦୃଷ୍ଟି ଆକର୍ଷଣ କରାଯାଇଥିଲା । ସ୍କୁଲରେ ଯେପରି ଗୁଣାତ୍ମକ ଶିକ୍ଷା ପ୍ରଦାନ କରାଯାଇ ପାରିବ ସେନେଇ ଉଭୟ ଅଭିଭାବକ ଓ ସ୍କୁଲର ଶିକ୍ଷକ ମାନେ ଯତ୍ନଶୀଳ ହେବାକୁ ଶ୍ରୀ ମିଶ୍ର ପରାମର୍ଶ ଦେଇଥିଲେ ।
ଏହି ସମୀକ୍ଷା ବେଳେ ବିଧାୟକ ଶ୍ରୀ ମିଶ୍ରଙ୍କ ସହ ସ୍କୁଲର ସମସ୍ତ ଶିକ୍ଷକ ଶିକ୍ଷୟିତ୍ରୀ ଓ ସ୍କୁଲ ପରିଚାଳନା କମିଟିର ସଭ୍ୟ ମାନେ ଉପସ୍ଥିତ ଥିଲେ ।
