ଗଞ୍ଜାମ,ବାଇକ୍ ଦୁର୍ଘଟଣାରେ ଦୁଇ ସାଙ୍ଗଙ୍କ ମୃତ୍ୟୁ ଘଟିଛି । ଜାତୀୟ ରାଜପଥର ଛତ୍ରପୁର ନିକଟ ଡିଆରଡିଏ ଛକ ବାୟା ହୋଟେଲ ସମ୍ମୁଖରେ ଆଜି ସକାଳ ପ୍ରାୟ ୮ଟା ସମୟରେ ଏହି ଦୁର୍ଘଟଣା ଘଟିଛି । ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଛି । ମୃତକ ଦ୍ଵୟ ହେଲେ ସୁମନ ଦାଶ ଓ ଦଣ୍ଡ ପାଳ । ଜଣକର ଘର ବ୍ରହ୍ମପୁର ବ୍ରହ୍ମାନଗର ଅଂଚଳରେ ହୋଇଥିବା ବେଳେ ଅନ୍ୟ ଜଣେ ହିଞ୍ଜିଳି ଥାନା ଅନ୍ତର୍ଗତ କଂଚୁଡୁ ଗ୍ରାମର ବୋଲି ଜଣାପଡିଛି । ଦୁହେଁ ବାଇକ୍ ଯୋଗେ ବ୍ରହ୍ମପୁରରୁ ଛତ୍ରପୁର ଅଭିମୁଖେ ଆସୁଥିବା ବେଳେ ଭାରସାମ୍ୟ ହରାଇ ଡିଭାଇଡରରେ ଧକ୍କା ଦେବା ଫଳରେ ଘଟଣାସ୍ଥଳରେ ଦୁଇ ଜଣଙ୍କର ମୃତ୍ୟୁ ଘଟିଛି । ଖବର ପାଇ ଛତ୍ରପୁର ପୋଲିସ ଓ ଅଗ୍ନିଶମ ବାହିନୀ ସେଠାରେ ପହଂଚି ମୃତକ ଦ୍ଵୟଙ୍କ ଶବ ଉଦ୍ଧାର କରିଥିଲେ । ଶବ ଜବତ ପରେ ଏହାକୁ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଯାଇଛି
