ଭୁବନେଶ୍ୱର, ରାଜଧାନୀ ଭୁବନେଶ୍ୱରର ମେଂଚଶ୍ୱର ଥାନା ଅଧୀନ ଭାଗବତ ସନ୍ଧାନ ଅଂଚଳରେ ଥିବା ଏକ ଘରୁ ଜଣେ ମହିଳାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ମୃତ ମହିଳା ହେଲେ ପ୍ରଜ୍ଞା ପାରମିତା ଧଳ । ଗତକାଲି ରାତିରେ ସ୍ୱାମୀଙ୍କ ପଡ଼ୋଶୀଙ୍କ ଘରେ ଭୋଜିଭାତ କରିଥିବା ବେଳେ ସକାଳୁ ମହିଳାଙ୍କ ମୃତଦେହ ଉଦ୍ଧାର ହେବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ଖବର ପାଇ କମିଶନରେଟ୍ ପୋଲିସ୍ ପହଂଚି ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି ।
ପ୍ରଜ୍ଞା ୬ ବର୍ଷ ତଳେ ବିବାହ କରି ଭାଗବତ ସନ୍ଧାନ ଅଂଚଳରେ ରହୁଥିଲେ । ଉଭୟ ସ୍ୱାମୀସ୍ତ୍ରୀ ଗତକାଲି ରାତିରେ ପଡ଼ୋଶୀଙ୍କ ଘରେ ଭୋଜିଭାତ କରିଥିଲେ । ହେଲେ ଆଜି ସକାଳୁ ପ୍ରଜ୍ଞାଙ୍କ ମୃତଦେହ ଘରେ ଝୁଲୁଥିବା ଦେଖିବାକୁ ମିଳିଥିଲା । ଉଭୟ ପତିପତ୍ନୀଙ୍କ ମଧ୍ୟରେ ପାରିବାରିକ ଅଶାନ୍ତି ଲାଗି ରହିଥିଲା ନା ଅନ୍ୟ କିଛି ସମସ୍ୟା ଥିଲା ତାହାର ଖୋଳତାଡ଼ କରୁଛି ପୋଲିସ୍ ।
