ମାଲକାନଗିରି,ଅଲମ୍ପିକ ସଂଘର ମିଳିତ ଅନୁକୁଲ୍ୟରେ ସେପ୍ଟେମ୍ବର ୨୭ରୁ ଅକ୍ଟୋବର ୧୦ ତାରିଖ ପର୍ଯ୍ୟନ୍ତ ଆୟୋଜିତ ୩୬ତମ ଜାତୀୟ କ୍ରୀଡ଼ାରେ ଓଡ଼ିଶା ରାଜ୍ୟ ଜୁଡ଼ୋ ସଂଘ ( ଓସ୍ ) ର ( ୩ ପୁରୁଷ ଓ ୪ ମହିଳା ) ୭ ଜଣ ଖେଳାଳି ଅଂଶଗ୍ରହଣ କରିବେ । ଜାତୀୟ କ୍ରୀଡ଼ାକୁ ଓଡ଼ିଶା ଜୁଡ଼ୋକାମାନେ ଅଂଶଗ୍ରହଣ କରିବା ଲାଗି ଯୋଗ୍ୟତା ଅର୍ଜନ କରିବା ଏହା ପ୍ରଥମ ଘଟଣା । ଯୋଗ୍ୟତା ଅର୍ଜନ କରିଥିବା ଖେଳାଳିମାନଙ୍କ ମଧ୍ୟରେ ରହିଛନ୍ତି ମାଲକାନଗିରିର ମାସି ହନ୍ତାଳ। ସେ ୬୦ କେଜି ବର୍ଗରେ ଚୟନ ହୋଇଛନ୍ତି। ମାଲକାନଗିରି ଜିଲ୍ଲା ଚିତ୍ରକୋଣ୍ଡା ବ୍ଳକ ସ୍ଵାଭିମାନ ଅଞ୍ଚଳ ପାପରମେଟଲା ଗ୍ରାମର ଏହି ଆଦିବାସୀ ଯୁବକ ଦୀର୍ଘ ୧୦ ବର୍ଷ ଧରି ମାଲକାନଗିରି ସ୍ଥିତ ଅଲ ଓଡିଶା ମାର୍ସଲ ଆର୍ଟ ଏକାଡେମୀରେ ପ୍ରଶିକ୍ଷକ ବିନାଶ କୁମାର ମିଶ୍ରଙ୍କ ଠାରୁ ତାଲିମ ନେଇ ନିଜ ଜୁଡୋ ଜୀବନ ଆରମ୍ଭ କରିଛନ୍ତି। ସେ ଚଳିତ ମାସ ୧୬ରୁ ୨୦ ତାରିଖ ପର୍ଯ୍ୟନ୍ତ ଲକ୍ଷ୍ନୌଠାରେ ଆୟୋଜିତ ଜାତୀୟ ବରିଷ୍ଠ ଜୁଡ଼ୋ ପ୍ରତିଯୋଗିତାରେ ଉଚ୍ଚକୋଟୀର ଖେଳ ପ୍ରଦର୍ଶନ କରି ଜାତୀୟ କ୍ରୀଡ଼ାକୁ ଯୋଗ୍ୟତା ଅର୍ଜନ କରିଥିଲେ। ଜାତୀୟ କ୍ରୀଡା ଜୁଡୋରେ ଭାଗ ନେବା ପାଇଁ ଚୟନ ହୋଇ ଜିଲ୍ଲା ପାଇଁ ଗୌରବ ଆଣି ଥିବାରୁ ଜିଲ୍ଲାବାସୀ ଓ ବିଭିନ୍ନ ସଂଗଠନ ପକ୍ଷରୁ ତାଙ୍କୁ ଶୁଭେଚ୍ଛା ଜ୍ଞାପନ କରାଯାଇଛି।
