ବାରିପଦା,ବାରିପଦା ମ୍ୟୁନିସିପାଲଟି ୱାର୍ଡ଼ ନଂ ୨୨ ରଘୁନାଥପୁରରେ କାନ୍ଥ ପଡି ଜଣେ ୧୦ ବର୍ଷିୟା ନାବାଳିକାଙ୍କ ମୃତ୍ୟୁ ଘଟିଛି । ଆଜି ଭୋର୍ ସମୟରେ ଘରର ବର୍ଷା ଭିଜା ମାଟିକାନ୍ଥ ଭୁଶୁଡ଼ି ପଡିବା ଫଳରେ ସେ ଗୁରୁତର ହୋଇପଡିଥିଲେ । ତାଙ୍କୁ ଚିକିତ୍ସା ନିମନ୍ତେ ବାରିପଦା ପିଆରଏମ ମେଡିକାଲ କଲେଜ ଆଣ୍ଡ ହସ୍ପିଟାଲରେ ଭର୍ତି କରାଯାଇଥିଲା । ହେଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ନାବାଳିକାଙ୍କ ନାମ ମନା ବେହେରା । ସେ ସଞ୍ଜୟ ବେହେରାଙ୍କ ଝିଅ । ମନା ଚତୁର୍ଥ ଶ୍ରେଣୀରେ ପାଠ ପଢୁଥିଲେ । ବାରିପଦା ଟାଉନ୍ ଥାନା ପୋଲିସ ନାବାଳିକାଙ୍କ ଶବ ଜବତ କରି ବ୍ୟବଚ୍ଛେଦ ନିମନ୍ତେ ପଠାଇଛି । ଥାନା ପକ୍ଷରୁ ଏ ସଂକ୍ରାନ୍ତରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଛି ।
