ମାଲକାନଗିରି, ମାଲକାନଗିରି ଜିଲ୍ଲା ସଦର ମହକୁମା ମାଲକାନଗିରି ମହାବିଦ୍ୟାଳୟ ପରିସରରେ ଗତକାଲି ଆଜାଦିକା ଅମୃତ ମହୋତ୍ସବ ଓ ବିଭାଜନର ବିଭିଷିକା ସ୍ମରଣ ଦିବସ ପାଳନ ଉପଲକ୍ଷେ ଏକ ବୈଠକ ଅନୁଷ୍ଠିତ ହୋଇଥିଲା । ଆୟୋଜିତ ଏହି ବୈଠକରେ ଭାରପ୍ରାପ୍ତ ଅଧ୍ୟକ୍ଷ ଡ଼ଃ. ରଞ୍ଜନ କୁମାର ସ୍ଵାଇଁ ସଭାପତିତ୍ବ କରିଥିଲେ। ମୁଖ୍ୟ ଅତିଥି ରୂପେ ଅଧ୍ୟାପିକା ନମିତା ଦଣ୍ଡସେନା ଯୋଗଦେଇ ଭାରତ ଓ ପାକିସ୍ତାନ ବିଭାଜନ ବିଷୟରେ ଛାତ୍ର ଛାତ୍ରୀଙ୍କୁ ବୁଝାଇଥିଲେ । ଅଧ୍ୟାପକ ଅରୁଣ କୁମାର ପଣ୍ଡା ଓ ଅଧ୍ୟାପକ ଡ଼ଃ. ଗୋକୁଳାନନ୍ଦ ପାତ୍ର ମୁଖ୍ୟବକ୍ତା ରୂପେ ବିଭାଜନର ବିଭିଷିକା ଓ ତାର ପ୍ରଭାବ ଉପରେ ଛାତ୍ର ଛାତ୍ରୀଙ୍କୁ ବୁଝାଇ ଥିଲେ । ଏହି ବୈଠକରେ ଅଧ୍ୟାପକ ଜୀମୁତ ନାୟକ ସଭାପରିଚାଳନା କରିଥିବା ବେଳେ ଅଧ୍ୟାପିକା ପ୍ରେମରେଖା ଭତ୍ରା ଧନ୍ୟବାଦ ଅର୍ପଣ କରିଥିଲେ। ପ୍ରାୟ ୨୦୦ରୁ ଉର୍ଦ୍ଧ୍ବ ଛାତ୍ରଛାତ୍ରୀ ଏହି ବୈଠକରେ ଉପସ୍ଥିତ ଥିଲେ।
