ଦେବଗଡ଼, ବିଦ୍ୟାଳୟରେ ବଜ୍ରପାତ ଘଟି ୧୦ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି । ଆହତ ଛାତ୍ରଛାତ୍ରୀ ମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି । ସେମାନଙ୍କ ମଧ୍ୟରୁ ୪ ଜଣଙ୍କ ସ୍ଵାସ୍ଥ୍ୟାବସ୍ଥା ଗୁରୁତର ରହିଛି । ଆଜି ତିଲେଇବଣି ବ୍ଲକ ଅନ୍ତର୍ଗତ ପୁଟୁରାପଶି ୟୁପି ସ୍କୁଲରେ ପାଠପଢା ଚାଲିଥିବା ବେଳେ ବଜ୍ରପାତ ଘଟିଥିଲା । ବଜ୍ରପାତ ଏତେ ଜୋରଦାର୍ ଥିଲା ଯେ, ବିଦ୍ୟାଳୟର ଛାତ କଣା ହୋଇଯାଇଥିବା ସୂଚନା ମିଳିଛି । ଶ୍ରେଣୀଗୃହର ଲାଇଟ ଓ ଫ୍ୟାନ ମଧ୍ୟ ପୋଡିଯାଇଛି । ବଜ୍ରପାତ ସମୟରେ ୧୫ ରୁ ଉର୍ଦ୍ଧ୍ଵ ଛାତ୍ରଛାତ୍ରୀ ଶ୍ରେଣୀଗୃହରେ ବସି ପାଠ ପଢୁଥିଲେ । ଆହତ ଛାତ୍ରଛାତ୍ରୀଙ୍କୁ ବିଦ୍ୟାଳୟରେ ପ୍ରାଥମିକ ଚିକିତ୍ସା ପରେ ମେଡିକାଲରେ ଭର୍ତି କରାଯାଇଛି ।
