ମାଲକାନଗିରି, ମାଲକାନଗିରି ଜିଲ୍ଲା କୁଡୁମୁଲୁଗୁମ୍ମା ଫାଣ୍ଡି ଅଧିକାରୀଙ୍କ ସହ ଅନ୍ୟ ଚାରି ଜଣ କନଷ୍ଟେବଳଙ୍କୁ କାର୍ଯ୍ୟରେ ଅବହେଳା ଯୋଗୁଁ ନିଲମ୍ବିତ କରାଯାଇଛି। ଏ ସମ୍ବନ୍ଧରେ ଓର୍କେଲ ଥାନା ଭାରପ୍ରାପ୍ତ ଅଧିକାରୀ ଜନ୍ ଖୁଜୁର୍ ପ୍ରକାଶ କରିଛନ୍ତି ଯେ, ସେ କୁଡୁମୁଲୁଗୁମ୍ମା ଫାଣ୍ଡିକୁ ଅନେକ ଥର ଯାଇ ସେଠାରେ ଥିବା ଫାଣ୍ଡି ଅଧିକାରୀ ଓ କନଷ୍ଟେବଲମାନଙ୍କୁ କାର୍ଯ୍ୟରେ ଅବହେଳା କରୁଥିବା ସମ୍ବନ୍ଧରେ ତାଗିଦ କରିଥିଲ। କିନ୍ତୁ, କର୍ମଚାରୀ ମାନେ ନସୁଧୁରିବାରୁ ମାଲକାନଗିରି ଏସ୍.ପି. ଫାଣ୍ଡିର ଫାଣ୍ଡି ଅଧିକାରୀଙ୍କ ସହ ମୋଟ ୫ କର୍ମଚାରୀଙ୍କୁ ନିଲମ୍ବିତ କରିଥିବା ଜଣାପଡିଛି । କାର୍ଯ୍ୟରେ ଅବହେଳା ଓ ଲୋକଙ୍କ ସହ ଭଲ ବ୍ୟବହାର ନକରିବା ଯୋଗୁଁ ମାଲକାନଗିରି ଏସପି ନୀତେଶ ୱାଧ୍ଵାନୀ ଜଣେ ଏଏସଆଇ ସମେତ ୫ ଜଣ ପୋଲିସ କର୍ମଚାରୀଙ୍କୁ ଗତକାଲି ନିଲମ୍ବିତ କରିଛନ୍ତି ।
ନିଲମ୍ବିତ କର୍ମଚାରୀ ମାନେ ହେଲେ ଏଏସଆଇ କମଳଲୋଚନ ନାୟକ, କନଷ୍ଟେବଲ ଉମାକାନ୍ତ ପଠାୟାତ୍, ପ୍ରଭାକର ପାହୀ, କନେଷ୍ଟବଲ ସୁଶାନ୍ତ ସାହୁ ଏବଂ କନଷ୍ଟେବଲ ପ୍ରସନ୍ନ ଦଳେଇ।
