ବଲାଙ୍ଗିର, ବିଜେଡି ଦଳର ୨୫ ବର୍ଷ ପୂର୍ତ୍ତି ଉପଲକ୍ଷେ ଓ ନବୀନ ପଟ୍ଟନାୟକଙ୍କ ନିର୍ଦେଶକ୍ରମେ ଆଗଲପୁର ବ୍ଲକ ବିଜେଡି ସଭାପତି ପଞ୍ଚୁ ପଧାନଙ୍କ ନେତୃତ୍ଵରେ ଗତକାଲି ବିଜୁ ଜନତା ଦଳର ରାଜ୍ୟ ପରିଷଦ ସଭ୍ୟ ନିହାର ରଞ୍ଜନ ବେହେରାଙ୍କ ଜନ୍ମ ଦିନ ଅବସରରେ ବିଜୁ ମୋ ପରିବାର ଆନୁ କୂଲ୍ୟରେ ଏକ ମେଗା ରକ୍ତଦାନ ଶିବିରର ଆୟୋଜନ କରାଯାଇଥିଲା। ଏହି ରକ୍ତଦାନ ଶିବିର ବଲାଙ୍ଗିର ଜିଲ୍ଲା ଲୋଇସିଂହା ଅଗ୍ରସେନ ଭବନ ଠାରେ ଅନୁଷ୍ଠିତ ହୋଇଥିଲା। ରକ୍ତଦାନ ଶିବିରକୁ ଭାଟଲି ବିଧାୟକ ସୁଶାନ୍ତ ସିଂହ ଓ ବଲାଙ୍ଗିର ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ ଉଦଘାଟନ କରିଥିଲେ।
ଏହି ରକ୍ତଦାନ ଶିବିରରେ ପାଟଣାଗଡ ବିଧାୟକ ତଥା ବିଧାୟକ ଦଳର ଉପ ମୁଖ୍ୟ ସଚେତକ ସରୋଜ ମେହେର ମୁଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ଶିବିରକୁ ଲୋଇସିଂହା ବ୍ଲକ ଅଧ୍ୟକ୍ଷା ଯତୀନ୍ଦ୍ର ପଟେଲ, ବିଜେଡି ବ୍ଲକ ସଭାପତି ହୃଦାନନ୍ଦ ବେହେରା, ବଲାଙ୍ଗୀର ପୌରାଧ୍ୟକ୍ଷା ଶ୍ରୀମତୀ ଲିକା ସାହୁ, ଆଗଲପୁର ବ୍ଲକ୍ ଉପାଧ୍ୟକ୍ଷା ଶ୍ରୀମତୀ ନିରୁପମା ପଧାନ୍, ବିଜେଡି ଆଗଲପୁର ବ୍ଲକ୍ ସଭାପତି ପଞ୍ଚୁ ପଧାନ, ଆଗଲପୁର ଜୋନ ନମ୍ବର ୨ ର ଜିଲ୍ଲାପରିଷଦ ସଦସ୍ୟା ଶ୍ରୀମତୀ ବୀଣାପାଣି ଦାସ, ଲକ୍ଷ୍ମଣ ମେହେର, ସତ୍ୟ ନାରାୟଣ ଭୋଇ ପ୍ରମୁଖ ଯୋଗ ଦେଇଥିଲେ।
ଏହି ଶିବିରରେ ଆଗଲପୁର, ଲୋଇସିଂହା ଓ ପୁଇଁତଳା ବ୍ଲକର ବହୁ ନେତା ଓ କର୍ମୀ ଯୋଗ ଦେଇଥିଲେ। ବହୁ ପରିମାଣରେ ରକ୍ତଦାତା ଅଂଶଗ୍ରହଣ କରି ଶିବିରକୁ ସାଫଲ୍ୟ ମଣ୍ଡିତ କରିଥିଲେ। ଏହି ରକ୍ତଦାନ ଶିବିରରେ ସର୍ବମୋଟ ୧୫୦ ୟୁନିଟ ରକ୍ତ ସଂଗୃହୀତ ହୋଇଥିଲା।
