ବଲାଙ୍ଗିର,ଆଜାଦୀ କା ଅମୃତ ମହୋତ୍ସବ ଅବସରରେ ବଲାଙ୍ଗିର କେନ୍ଦ୍ରୀୟ ବିଦ୍ୟାଳୟ ନ ୨ ରେ ଏକ ପ୍ରଦର୍ଶନୀ ମେଳା ଅନୁଷ୍ଠିତ ହୋଇଯାଇଛି । ଦେଶ ସ୍ବାଧୀନ ହେବାର ମାତ୍ର କିଛି ଦିନ ପୂର୍ବରୁ ଭାରତ ପାକିସ୍ତାନ ବିଭାଜନ ର ଦୁଃଖଦ ମୁହୂର୍ତ୍ତ କୁ ଫଟୋ ମାଧ୍ୟମରେ ଏହି ମେଳା ରେ ପ୍ରଦର୍ଶିତ କରାଯାଇଛି । ଛାତ୍ରଛାତ୍ରୀ ଓ ଅବିଭାବକ ମାନଙ୍କୁ ଆମନ୍ତ୍ରଣ କରି ସେ ସମୟର ଘଟଣାବଳୀ ବିଷୟରେ ଅବଗତ କରାଇବାକୁ କେନ୍ଦ୍ରୀୟ ବିଦ୍ୟାଳୟ ଏକ ସୁନ୍ଦର ପ୍ରୟାସ କରିଛି । ପ୍ରଦର୍ଶନୀ ମେଳା ରେ ସେ ସମୟର କିଛି ଫଟୋ ଯେପରି ଲୋକେ ଭାରତ ଛାଡ଼ି ପାକିସ୍ତାନ ପଟକୁ ଯାଉଥିବା ଦୃଶ୍ୟ, ଟ୍ରେନ ରେ ଲୋକଙ୍କ ଭିଡ଼ ର ଦୃଶ୍ୟ, ଗରିବୀ ମାନ୍ଦାବସ୍ଥା ର ଦୃଶ୍ୟ ଗୁଡ଼ିକୁ ପ୍ରଦର୍ଶିତ କରାଯିବା ସହ ସେ ବିଷୟରେ ବିସ୍ତୃତ ଭାବରେ ଉଲ୍ଲେଖ କରାଯାଇଛି । ଏହା ଦ୍ଵାରା ଛାତ୍ର ଛାତ୍ରୀ ମାନେ ଭାରତ ପାକିସ୍ତାନ ବିଭାଜନ ସମ୍ପର୍କ ରେ ସବିଶେଷ ତଥ୍ୟ ପାଇ ପାରିଥିବା କହିଥିଲେ। ତେବେ କେନ୍ଦ୍ରୀୟ ବିଦ୍ୟାଳୟ -୨ ର ପ୍ରିନସିପାଲ ରାମ କୁମାର ପାଣିଗ୍ରାହୀ ଙ୍କ ର ଏଭଳି ଏକ କାର୍ଯ୍ୟକ୍ରମ ଆୟୋଜନ କୁ ବିଭିନ୍ନ ମହଲ ରେ ସ୍ବାଗତ କରାଯାଇଛି ।
