ଗଞ୍ଜାମ,ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅନ୍ତର୍ଗତ ଏ. ବରିଡ଼ା ଗ୍ରାମରେ ଆଜି ସକାଳେ ବନ ବିଭାଗ ଏବଂ ପୋଲିସ ପକ୍ଷରୁ ଦୁଇଟି କରତ କଳ ଓ ଗୋଟିଏ କାଠ ଡିପୋ ଉପରେ ଚଢ଼ଉ କରାଯାଇଛି । ଚଢ଼ଉ ବେଳେ ସେଠାରୁ ଦୁଇଟି କରତ କଳ ଏବଂ ୧ କୋଟି ଟଙ୍କାର ମୂଲ୍ୟବାନ କାଠ ଜବତ ହୋଇଛି ।
ଏହି ଚଢ଼ଉରେ ୧ ପ୍ଲାଟୁନ୍ ପୋଲିସ ଫୋର୍ସ ସହ କବିସୂର୍ଯ୍ୟନଗର, ଆସିକା, ସୋରଡ଼ା, ବୁଗୁଡ଼ା ରେଞ୍ଜ୍ ର ବନ ଅଧିକାରୀଙ୍କ ସମେତ କବିସୂର୍ଯ୍ୟନଗର ଅତିରିକ୍ତ ତହସିଲଦାର ନବକିଶୋର ପାତ୍ର ସାମିଲ୍ ହୋଇଥିଲେ ।
