ଭଦ୍ରକ, ଆରଡ଼ି – ଭଦ୍ରକ ମୁଖ୍ୟ ରାସ୍ତାର ବ୍ରାହ୍ମଣୀଦଣ୍ଡା ଠାରେ ଆଜି ଅପରାହ୍ନ ପ୍ରାୟ ୨ଟା ସମୟରେ ଏକ ସଡ଼କ ଦୁର୍ଘଟଣାରେ ଜଣେ ଯୁବତୀଙ୍କ ମୃତ୍ୟୁ ଘଟିଛି । ମୃତ ଯୁବତୀଙ୍କ ପରିଚୟ ମିଳିପାରିନାହିଁ ।
ସୂଚନା ଅନୁଯାୟୀ, ଯାଜପୁର ଅଂଚଳର ଜଣେ ଯୁବକ ଏହି ଯୁବତୀଙ୍କୁ ବାଇକ୍ ରେ ଆଣି ଆରଡ଼ି ଦର୍ଶନ ସାରି ଫେରୁଥିବା ବେଳେ ଭଦ୍ରକରୁ ଯାଉଥିବା ଏକ ଘରୋଇ ବସ୍ ସହ ମୁହିଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ ଯୁବତୀଙ୍କ ମୃତ୍ୟୁ ହୋଇଥିବା ବେଳେ ଯୁବକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ପ୍ରଥମ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟ ଏବଂ ପରେ ଅଧିକ ଚିକିତ୍ସା ନିମନ୍ତେ କଟକ ବଡ ମେଡିକାଲକୁ ସ୍ଥାନାନ୍ତରିତ କରାଯାଇଛି । ଏହି ଦୁଇ ଯୁବକ ଯୁବତୀ କୌଣସି କଲେଜର ଛାତ୍ରଛାତ୍ରୀ ହୋଇଥିବା ଅନୁମାନ କରାଯାଉଛି । ଖବର ପାଇ ଧୁଷୁରୀ ଥାନା ପୋଲିସ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଛି ।
