ସୁବର୍ଣ୍ଣପୁର ,ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ମୈତ୍ରୀ ସଦନ ଠାରେ ବିଜୁ ଜନତା ଦଳ ର କର୍ମୀ ସମ୍ବିଳନୀ ଶୟମ୍ଭୁ ନାଥ ଖଣ୍ଡଗିରି ଙ୍କ ସଭାପତିତ୍ୱ ରେ ଗତକାଲି ଅନୁଷ୍ଠିତ ହୋଇଯାଇଛି l ବୀରମହାରାଜପୁର ବ୍ଲକ ଉପାଧ୍ୟକ୍ଷ ଯୁବନେତା ନାରାୟଣ ଲୁହା ଙ୍କ ଆହ୍ୱାନ କ୍ରମେ ପନ୍ଦର ଗୋଟି ଗ୍ରାମପଞ୍ଚାୟତ ର ପ୍ରମୁଖ କର୍ମୀ ମାନେ ଯୋଗଦେଇ ସଂଗଠନ କୁ ସୃଦୁଢ କରିବା ସହିତ ସାଧାରଣ ଲୋକଙ୍କ ସମସ୍ୟା ଉପରେ କାର୍ଯ୍ୟ କରିବାକୁ ମତ ପ୍ରକାଶ କରିଥିଲେ l ଦେଉଳି – ବାଉଁସୁଣୀ ମହାନଦୀ ପୋଲ ନିର୍ମାଣ, ଏନ. ଏ. ସି ଘୋଷଣା, ମେଗା ଜଳସେଚନ କାର୍ଯ୍ୟକାରିତା,ମହାନଦୀ ରୁ ସ୍ବଚ୍ଛ ପାନୀୟ ଜଳ ପାଇଁ ରାଜ୍ୟ ସରକାର ଙ୍କ ଆର୍ଥିକ ସହାୟତା ପ୍ରଦାନ, ବସଷ୍ଟାଣ୍ଡ ନିର୍ମାଣ, ଡାକ୍ତରଖାନା ନୂତନ ବିଲଡିଂ ପାଇଁ ବିଧାୟକ ପଦ୍ମନାଭ ବେହେରା ଙ୍କ କାର୍ଯ୍ୟ କୁ ବୈଠକ ରେ ପ୍ରଶଂସା କରାଯାଇଥିଲା l ଉକ୍ତ ବୈଠକ ରେ ପୂର୍ବତନ ବ୍ଲକ ଅଧ୍ୟକ୍ଷ ରଂଜିତ କୁମାର ରଥ, କିଶୋର କୁମାର ହୋତା, ଶ୍ରୀନିବାସ ଚାନ୍ଦ, ସତ୍ୟଞ୍ଜୀବ ମିଶ୍ର, ଧୀରେନ୍ଦ୍ର ନାରାୟଣ ପଣ୍ଡା, ଯତୀନ ପାଣିଗ୍ରାହୀ, ମଧୂ ସୁଦନ ପଣ୍ଡା, ଲଳିତ ପାତ୍ର, ଵିଵସ୍ୱତୀ ପଣ୍ଡା, ପିତାମ୍ବର ସାହୁ,ଶୈଳେନ୍ଦ୍ର ବାଦୀ, ଲଷ୍ମୀ ନାରାୟଣ ପୁରୋହିତ, ମହେନ୍ଦ୍ର ଜଗଦଲା, କୃଷ୍ଣ ଚନ୍ଦ୍ର ମେହେର, ଦୟାନିଧି ମେହେର, ସୁରୁ ନାରାୟଣ ମହାକୁର, ସପନ କୁମାର ପଧାନ ଙ୍କ ସମେତ ଶତାଧିକ କର୍ମୀ ଯୋଗ ଦେଇଥିଲେ l ଶେଷରେ ନାରାୟଣ ଲୁହା ସମସ୍ତ ଙ୍କୁ ଧନ୍ୟବାଦ ଅର୍ପଣ କରିଥିଲେ l
