ଗଞ୍ଜାମ, ଗଞ୍ଜାମ ଜିଲ୍ଲା ଖଲ୍ଲିକୋଟ ଗୁରାପଲ୍ଲୀ ଟୋଲଗେଟ୍ ନିକଟରେ ବ୍ରହ୍ମପୁର ଅବକାରୀ ଗୁଇନ୍ଦା ବିଭାଗ ଚଢ଼ଉ କରି ଏକ ଯାତ୍ରୀବାହୀ ବସ୍ ରୁ ୨୨ କେଜି ଗଞ୍ଜେଇ ଜବତ କରିଛି । ଏହି ଗଞ୍ଜେଇ ବସ୍ ଯୋଗେ ଗଞ୍ଜାମରୁ ଭୁବନେଶ୍ଵର ଚାଲାଣ କରାଯାଉଥିବା ଖବର ପାଇ ଅବକାରୀ ଟିମ ବସ୍ କୁ ଅଟକାଇ ଯାଂଚ୍ କରିଥିଲା । ଯାଂଚ୍ ବେଳେ ଦୁଇ ଅଭିଯୁକ୍ତଙ୍କ ଆଟାଚ୍ ଓ ବ୍ୟାଗ୍ ରୁ ଏହି ଗଞ୍ଜେଇ ଜବତ ହୋଇଥିଲା । ଜବତ ଗଞ୍ଜେଇର ଆନୁମାନିକ ମୂଲ୍ୟ ୧ ଲକ୍ଷ ଟଙ୍କା ହେବ ।
ଅବକାରୀ ଆଇଆଇସି ଉଦୟ ଚନ୍ଦ୍ର ସାମନ୍ତ, ଏସଆଇ ସୁଦର୍ଶନ ବିଶୋଇଙ୍କ ନେତୃତ୍ଵରେ ୧୨ ଜଣିଆ ଟିମ୍ ଏହି ଚଢ଼ଉରେ ସାମିଲ୍ ହୋଇଥିଲେ । ଗିରଫ ଦୁଇ ଅଭିଯୁକ୍ତ ପଶ୍ଚିମବଙ୍ଗ ରାଜ୍ୟର ପ୍ରେମଜିତ ଦାଶ ଓ ପବନ କୁମାର ସାହୁ ବୋଲି ଜଣାପଡିଛି । ବିଭାଗ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
