ଗଞ୍ଜାମ – ଗଞ୍ଜାମ ଜିଲ୍ଲା କୋଦଳା ନିକଟରୁ କୋଦଳା ପୋଲିସ ବିପୁଳ ପରିମାଣର ମଦ ଜବତ କରିବା ସହ ଘଟଣାରେ ୪ ଜଣଙ୍କୁ ଗିରଫ କରିଛି । ସେମାନଙ୍କ ମଧ୍ୟରେ ଦୁଇ ଜଣ ମହିଳା ଓ ଦୁଇ ଜଣ ପୁରୁଷ ରହିଛନ୍ତି ।
ବେଆଇନ ଭାବେ ମଦ ବିକ୍ରୀ କରାଯାଉଥିବା ସମ୍ପର୍କରେ କୌଣସି ସୂତ୍ରରୁ ସୂଚନା ପାଇ ଆଜି ସକାଳେ ପୋଲିସ ସେଠାରେ ଚଢ଼ଉ କରିଥିଲା । ଚଢ଼ଉ ବେଳେ ଘଟଣାସ୍ଥଳରୁ ପ୍ରାୟ ୬୦୦ ଲିଟର ମଦ ଜବତ ହୋଇଥିଲା । ଘଟଣାରେ ନାଗେଶ୍ୱର ପ୍ରଧାନ, ଅନ୍ନପୂର୍ଣ୍ଣା ପ୍ରଧାନ, ଏସ୍. ବାବୁ, ଏସ୍. ସାବିତ୍ରୀଙ୍କୁ ଗିରଫ କରାଯିବା ସହ ଥାନାରେ ଏ ସଂକ୍ରାନ୍ତରେ ପୃଥକ୍ ପୃଥକ୍ ୪ଟି ମାମଲା ରୁଜ୍ଜୁ ହୋଇଛି । ସେଗୁଡିକ ହେଲା କେସ୍ ନଂ ୨୭/୧୯, ୨୮/୧୯, ୨୯/୧୯ ଏବଂ ୩୦/୧୯ ବୋଲି କୋଦଳା ଥାନା ଅଧିକାରୀ ସୂଚନା ଦେଇଛନ୍ତି ।
