ହୀରାକୁଦ କେନାଲରେ ୨୦ ଫୁଟର ଘାଇ

•  ଶହ ଶହ ଏକର ଚାଷ ଜମି ଜଳମଗ୍ନ

ସୋନପୁର,  ହୀରାକୁଦ କେନାଲରେ ସୃଷ୍ଟି ହୋଇଛି ୨୦ ଫୁଟର ଘାଇ । ସୋନପୁର ଜିଲ୍ଲା ବିନିକା ବ୍ଲକ ମେଘଲା ପଚାଂୟତ ଅନ୍ତର୍ଗତ ସାହାଜବାହାଲ ଗାଁ ନିକଟରେ ଏହି ଘାଇ ହୋଇଛି । ଫଳରେ ଶହ ଶହ ଏକର ଚାଷ ଜମି ଜଳମଗ୍ନ ହୋଇଛି ।

ସୂଚନା ଅନୁଯାୟୀ, ଗତକାଲି ରାତିରେ ସାହଜବାହାଲ ଗାଁ ଦେଇ ଯାଇଥିବା ହୀରାକୁଦ କେନାଲରେ ଏକ ୨୦ ଫୁଟର ଘାଇ ସୃଷ୍ଟି ହୋଇଛି । ତେବେ କେନାଲରେ ଅଧିକ ମାତ୍ରାରେ ପାଣି ଛଡାଯାଉଥିବାରୁ ଏହି ଦୁର୍ବଳ ସ୍ଥାନରେ ଘାଇ ସୃଷ୍ଟି ହୋଇଥିବା ଅନୁମାନ କରାଯାଉଛି । ଯାହାଫଳରେ କେନାଲ ଭାଙ୍ଗି ଶହ ଶହ ଏକର ଚାଷଜମି ଜଳମଗ୍ନ ହୋଇଛି । ଯଦ୍ଵାରା ବ୍ୟାପକ ଧାନ ଫସଲ ନଷ୍ଟ ହେବା ଆଶଙ୍କା କରି ଚିନ୍ତାରେ ପଡିଛନ୍ତି ଚାଷୀ । ଅନ୍ୟପକ୍ଷରେ ଏ ସମ୍ପର୍କରେ ଖବର ପାଇ ଜଳସେଚନ ବିଭାଗ କର୍ମଚାରୀ ଘଟଣାସ୍ଥଳରେ ପହଂଚି ସ୍ଥିତି ଅନୁଧ୍ୟାନ କରିବା ସହ ତୁରନ୍ତ କେନାଲ ମରାମତି ପାଇଁ ଉଦ୍ୟମ ଆରମ୍ଭ କରିଛନ୍ତି ।