ମାଲକାନଗିରି, ମାଲକାନଗିରି ଜିଲ୍ଲାରେ ଭାରତୀୟ ମଜଦୁର ସଂଘ (ବିଏମଏସ)ର ଜିଲ୍ଲା ପ୍ରତିଷ୍ଠାତା ହରପ୍ରସାଦ ଖାଡଙ୍ଗାଙ୍କ ପ୍ରେରଣାରେ ଗତକାଲି ସଂଘର ୬୮ ତମ ପ୍ରତିଷ୍ଠା ଦିବସ ମହା ସମାରୋହରେ ପାଳିତ ହୋଇଯାଇଛି। ଏହି ପ୍ରତିଷ୍ଠା ଦିବସ ଅବସରରେ ଜିଲ୍ଲାର ବିଭିନ୍ନ କୋଣ ଅନୁକୋଣରୁ ଅନେକ କର୍ମୀ ମାନେ ଏକତ୍ରିତ ହୋଇଥିଲେ। ପ୍ରଥମେ ସଂଘର ସମ୍ପାଦକ ରେବା ବିଶ୍ଵାସ ଭାରତ ମାତାଙ୍କ ତୈଳଚିତ୍ର ପାଖରେ ନଡ଼ିଆ ବାଡ଼ଇ ହୁଳହୁଳି ପକାଇ ସଭା କାର୍ଯ୍ୟର ଶୁଭାରମ୍ଭ କରିଥିଲେ। ପରେ ସମସ୍ତେ ଠିଆ ହୋଇ ଭାରତୀୟ ମଜଦୁର ସଂଘର ଜୟଗାନ କରିଥିଲେ। ଏହି ପ୍ରତିଷ୍ଠା ଦିବସ ଅବସରରେ ଭାରତୀୟ ମଜଦୁର ସଂଘର ମାଲକାନଗିରି ଜିଲ୍ଲା ସଭାପତି ଲକ୍ଷ୍ମୀ ମାଡ଼ି ଏବଂ ଜିଲ୍ଲା କୋଷାଧ୍ୟକ୍ଷ ସବିତା ଦେଇ ଉପସ୍ଥିତ ରହି ସେମାନଙ୍କର ମୂଲ୍ୟବାନ ମତାମତ ପ୍ରଦାନ କରିଥିଲେ। ପ୍ରଥମେ ମଜଦୁର ସଂଘର ସମ୍ପାଦକ ରେବା ବିଶ୍ଵାସ ଭାରତୀୟ ମଜଦୁର ସଂଘର ପ୍ରତିଷ୍ଠାତା ଦତ୍ତପନ୍ତ ଠେଙ୍ଗେଡୀଙ୍କ ଜୀବନୀ ତଥା ମଜଦୁର ସଂଘର ଉଦ୍ଦେଶ୍ୟ ବିଷୟରେ ସବିଶେଷ ଆଲୋଚନା କରିଥିଲେ। ପରେ କୋଷାଧ୍ୟକ୍ଷ ସବିତା ଦେଇ ଭାରତୀୟ ମଜଦୁର ସଂଘ କିଭଳି କାମ କଲେ ଆଗକୁ ବଢିପାରିବ ତାହା ବିଷୟରେ କହିଥିଲେ ।
