ବଲାଙ୍ଗିର,ବିଶାଖାପାଟଣାରୁ ଝାରସୁଗୁଡ଼ା ଯାଉଥିବା ଏକ ୧୮ଚକିଆ ଟ୍ରେଲର ଗାଡି ବଲାଙ୍ଗିର ସହରସ୍ଥିତ ପାଟଣେଶ୍ଵରୀ ମନ୍ଦିର ଛକ ଠାରେ ଖରାପ ହୋଇଯାଇଥିବା ଯୋଗୁଁ ରାସ୍ତାରେ ଅଟକି ରହିଥିଲା। ଫଳରେ ବଲାଙ୍ଗିର – ସୋନପୁର ରାସ୍ତାରେ ଯାତାୟତ ଠପ୍ ହୋଇଯାଇଥିଲା। ଗତକାଲି ରାତି ପ୍ରାୟ ୨ଟା ସମୟରେ ଏହି ଭାରିଯାନ ଟି ଏପରି ବ୍ରେକ୍ ଡାଉନ୍ ହୋଇ ପଡିଥିବା ଯୋଗୁଁ ଉଭୟ ପାର୍ଶ୍ଵରେ ଶହ ଶହ ଗାଡି ଅଟକି ରହିଥିଲା। ସକାଳେ ଖବର ପାଇ ଅଗ୍ନିଶମ ଓ ସ୍ଥାନୀୟ ପୋଲିସ ପ୍ରଶାସନ ପକ୍ଷରୁ ଏହି ଗାଡିକୁ ରାସ୍ତା ମଝିରୁ ହଟାଯିବା ପରେ ସମ୍ପୃକ୍ତ ରୁଟ ରେ ଗମନାଗମନ ସ୍ଵାଭାବିକ ହୋଇଥିଲା।
