ବଲାଙ୍ଗିର, ଆଜି ସକାଳ ପ୍ରାୟ ୮ଟା ବେଳେ ଆଜମେର ପୁରୀ ଦ୍ରୁତଗାମୀ ଟ୍ରେନରେ କଟି ଜଣେ ବୃଦ୍ଧଙ୍କ ମୃତ୍ୟୁ ଘଟିଛି। ବଲାଙ୍ଗିର ରେଳ ଷ୍ଟେସନ ନିକଟ ଖୁଜେନପାଲି ନାଳା ପୋଲ ନିକଟରେ ବୃଦ୍ଧ ଜଣକ ଟ୍ରେନ ସମ୍ମୁଖକୁ ଡେଇଁପଡ଼ିଥିଲେ। ଫଳରେ ଚଳନ୍ତା ଟ୍ରେନରେ କଟି ତାଙ୍କର ମୃତ୍ୟୁ ଘଟିଛି। ମୃତ ବ୍ୟକ୍ତିଙ୍କ ବୟସ ପ୍ରାୟ ୭୦ ବର୍ଷ ହୋଇଥିବା ବେଳେ ସେ କଲେଜ ଛକ ଅଞ୍ଚଳରେ ରହୁଥିବା ନିର୍ମାଣ ବିଭାଗର ଅବସରପ୍ରାପ୍ତ କର୍ମଚାରୀ ସୌଦାଗର ନାଏକ ବୋଲି ଜଣାପଡିଛି । ଅନ୍ୟପଟେ ବଲାଙ୍ଗିର ରେଳବାଇ ପୋଲିସ ଘଟଣାସ୍ଥଳରେ ପହଞ୍ଚିି ତଦନ୍ତ ଆରମ୍ଭ କରିଛି। ତେବେ ସେ କେଉଁ ପରିସ୍ଥିତିରେ ଆତ୍ମହତ୍ୟା କରିଛନ୍ତି ସେନେଇ ଏବେ କୌଣସି ସ୍ପଷ୍ଟ ତଥ୍ୟ ମିଳିନାହିଁ ବୋଲି ରେଳବାଇ ଥାନାଧିକାରୀ ସୁକାନ୍ତ ପ୍ରଧାନ ସୂଚନା ଦେଇଛନ୍ତି।
