ଗଞ୍ଜାମ, ବ୍ରହ୍ମପୁର ଅବକାରୀ ବିଭାଗ ୟୁନିଟ୍ -୨ ପକ୍ଷରୁ ଭଞ୍ଜନଗର ଥାନା ଅଂଚଳରେ ଥିବା ବିଭିନ୍ନ ମଦ ଭାଟି ଉପରେ ଗତକାଲି ରାତିରେ ଚଢ଼ଉ କରାଯାଇଥିଲା । ଚଢ଼ଉ ବେଳେ ସେସବୁ ସ୍ଥାନରୁ ୭୫୦୦ ଲିଟର ଗୁଡ଼ମିଶ୍ରିତ ପୋଚ ନଷ୍ଟ କରାଯିବା ସହ ୫୩୧ ଲିଟର ରନ୍ଧାମଦ ଜବତ କରାଯିବା, ଘଟଣାରେ ୬ ଜଣଙ୍କୁ ଗିରଫ କରାଯାଇଥିବା ନେଇ ଅବକାରୀ ଇନ୍ସପେକ୍ଟର ଗୀତାଞ୍ଜଳି ସାହୁ ସୂଚନା ଦେଇଛନ୍ତି । ଭଞ୍ଜନଗର ଥାନା ଅନ୍ତର୍ଗତ ବରୁଣପୁର, ଦୁଲୁଙ୍ଗୁ, କୁଲାଡ଼, ଇଟାପଦର ଓ ଶୁଦାଙ୍ଗି ଅଂଚଳରେ ଥିବା ଏସବୁ ମଦ ଭାଟି ଉପରେ ଚଢ଼ଉ କରାଯାଇଥିଲା ।
