ଖୋର୍ଦ୍ଧା, ଖୋର୍ଦ୍ଧା ଜିଲ୍ଲା ଚିଲିକା ବ୍ଲକ ଅନ୍ତର୍ଗତ ଚକଡ଼ିପୁର ଗ୍ରାମ ନିକଟସ୍ଥ ନାଳରେ ଗତକାଲି ଗାଧୋଉଥିବା ବେଳେ ଭାସିଯାଇ ନିଖୋଜ ଥିବା ଜଣେ ନାବାଳକର ମୃତଦେହକୁ ଆଜି ଅଗ୍ନିଶମ ବାହିନୀ ହାଟବରଡି ନିକଟ ନଦୀ ଜଳରୁ ଉଦ୍ଧାର କରିଛି । ମୃତ ନାବାଳକଙ୍କ ଘର ଚକଡ଼ିପୁର ଗ୍ରାମରେ ବୋଲି ଜଣାପଡିଛି । ସ୍ଥାନୀୟ ପୋଲିସ ପହଂଚି ନାବାଳକର ମୃତଦେହକୁ ଜବତ କରିବା ସହ ଏହାକୁ ବ୍ୟବଚ୍ଛେଦ ନିମନ୍ତେ ଖୋର୍ଦ୍ଧା ଜିଲ୍ଲା ମୁଖ୍ୟଚିକିତ୍ସାଳୟକୁ ପଠାଇଥିଲା । ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯାଇଛି ।
