କନ୍ଧମାଳ,ତୁମୁଡ଼ିବନ୍ଧ ଥାନା ଅଂଚଳରେ ବଢିବାରେ ଲାଗିଛି ଅପରାଧିକ ଘଟଣା ମାନ । ଗତ ୧୫ ତାରିଖ ଶୁକ୍ରବାର ଦିନ ତୁମୁଡ଼ିବନ୍ଧ ପୋଲିସ ଆମ୍ବେଦକର ଛକ ଏବଂ ମାତୃଗାଁ ମଧ୍ୟସ୍ଥ ଲମ୍ବା ଘାଟିରୁ ଏକ ମହିନ୍ଦ୍ରା ସବାରି ନମ୍ବର (ଓ.ଆର ୧୨ଏ-୭୩୫୩) ଗାଡି ସହିତ ତିନିଜଣ ସ୍ଥାନୀୟ ଯୁବକଙ୍କୁ ଗିରଫ କରିଛି । ସେମାନଙ୍କ ଗାଡିରୁ ୫ଟି ଧାରୁଆ ଛୁରି ଗୋଟିଏ ଲୁହା ପାଇପ୍, ଗୋଟିଏ ସାଇକେଲ ଚେନ ଓ କ୍ରାଙ୍କ୍ ଜବତ ହୋଇଛି । ସେମାନଙ୍କ ମଧ୍ୟରେ ତେଲିମୁଣ୍ଡା ଗ୍ରାମର ଉମାକାନ୍ତ ବଟକର (୨୦), ସାରଙ୍ଗଡ ଥାନା ଅଂଚଳର ମିଲନ ନାୟକ(୩୦), ବୁଡାପଡା ଗ୍ରାମର ପିଙ୍କୁ ନାୟକ (୨୧) ଙ୍କୁ କେସ୍ ନଂ ୬୦/୨୨ ଭାରତୀୟ ପିଙ୍ଗଳକୋର୍ଟ ଧାରା ୩୯୯, ୪୦୨, ୩୫୩ ଅନୁଯାଇ ଡକାୟତି ମାମଲାରେ ଗିରଫ କରି କୋର୍ଟ ଚାଲାଣ କରାଯାଇଛି । ଏମାନେ କୌଣସି ଏକ ସ୍ଥାନରେ ଡକାୟତି କରିବା ପୂର୍ବରୁ ଗିରଫ କରାଯାଇଥିବା ପୋଲିସ ସୂଚନା ଦେଇଛି । ତେବେ ଏମାନଙ୍କ ସହିତ ଅନ୍ୟ କିଏ କିଏ ସାମିଲ ରହିଛନ୍ତି ଏବଂ ଏମାନଙ୍କର ଅନ୍ୟାନ୍ୟ କୌଣସି ଅପରାଧିକ ମାମଲାରେ ସଂମ୍ପୃୁକ୍ତି ରହିଛିନା ନାହିଁ ସେହି ଦିଗରେ ପୋଲିସ ଅଧିକ ତଦନ୍ତ ଜାରି ରହିଥିବା ଥାନା ଅଧିକାରୀ ତରୁଣ ତପନ ବେହେରା ସୂଚନା ଦେଇଛନ୍ତି ।
