ଗଞ୍ଜାମ, ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ଅଂଚଳର କେ. ଗୋବିନ୍ଦପୁର ଗ୍ରାମରେ ଗତକାଲି ଅପରାହ୍ନରେ ଜଣେ ଯୁବକଙ୍କୁ ଅପହରଣ କରାଯାଇଥିବା ଅଭିଯୋଗ ହୋଇଛି । ପୂର୍ବ ଶତୃତାକୁ କେନ୍ଦ୍ର କରି ଏହି ଅପହରଣ ହୋଇଛି । ଅପହୃତ ଯୁବକଙ୍କ ନାମ ଟିଟୁ ନାହାକ । ତାଙ୍କର ଜଣେ ସମ୍ପର୍କିୟ ସିଲୁ ଦଳେଇ ଏବଂ ଅନ୍ୟ ୪ ଜଣ ସହଯୋଗୀ ଆସି ଟିଟୁକୁ ମାଡ ମାରି ଏକ କାର୍ ରେ ଅପହରଣ କରିନେଇଥିବା ସମ୍ପର୍କରେ ଟିଟୁଙ୍କ ପତ୍ନୀ ରୋଜି ନାହାକ ସଂନ୍ଧ୍ୟାରେ କବିସୂର୍ଯ୍ୟନଗର ଥାନାରେ ଅଭିଯୋଗ କରିଛନ୍ତି । ଥାନାରେ ଏନେଇ ଏକ ଅପହରଣ ମାମଲା ରୁଜ୍ଜୁ କରାଯାଇ ଘଟଣାର ତଦନ୍ତ କରାଯାଉଛି ବୋଲି ଥାନା ଅଧିକାରୀ ପ୍ରଭାତ କୁମାର ସାହୁ ସୂଚନା ଦେଇଛନ୍ତି ।
