ଗଞ୍ଜାମ, ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ପଦ୍ମପୁର ପଚାଂୟତର ଝରଣା ଗ୍ରାମ ନିକଟ ପାହାଡ଼ ଉପରୁ ଯୁବକଙ୍କ ମୃତଦେହ ଉଦ୍ଧାର ହୋଇଛି । ତାଙ୍କ ଶବକୁ ଏଠାକୁ କାର୍ ରେ ଆଣି ପାହାଡ଼ ଉପରୁ ଫେପାଡି ଦେଇ ଚାଲିଯାଇଥିଲେ କିଛି ଦୁର୍ବୁତ । ପାହାଡ଼ ତଳେ ଥିବା ପଡ଼ିଆରେ କିଛି ଯୁବକ ଭଲିବଲ୍ ଖେଳୁଥିବା ବେଳେ ଏହା ଦେଖିବାକୁ ପାଇଥିଲେ । ସେମାନେ ଘଟଣାସ୍ଥଳରେ ପହଂଚିବା ବେଳକୁ ଦୁର୍ବୃତ ମାନେ କାର୍ ନେଇ ସେଠାରେ ଚମ୍ପଟ୍ ମାରିଥିଲେ । ଏ ସମ୍ପର୍କରେ ଗତକାଲି ସଂନ୍ଧ୍ୟାରେ ପାଟପୁର ଥାନାକୁ ଅବଗତ କରିଥିଲେ ଗାଁ ଲୋକେ । ପୋଲିସ ରାତିରେ ଘଟଣାସ୍ଥଳରେ ପହଂଚି ମୃତ ଯୁବକଙ୍କ ଶବ ଜବତ କରିବା ସହ ବ୍ୟବଚ୍ଛେଦ ନିମନ୍ତେ ବ୍ରହ୍ମପୁର ବଡ ମେଡିକାଲକୁ ପଠାଇଛି । ମୃତ ଯୁବକଙ୍କ ପରିଚୟ ମିଳିପାରିନାହିଁ । ପାଟପୁର ଥାନା ପୋଲିସ ଏ ସଂକ୍ରାନ୍ତରେ ଏକ ହତ୍ୟା ମାମଲା ରୁଜ୍ଜୁ କରି ଘଟଣାର ତଦନ୍ତ ଚଳାଇଛି ।
