ଗଜପତି, ଗଜପତି ଜିଲ୍ଲାର ଗୁମ୍ମାରେ ଘଟିଛି ଭୂ-ସ୍ଖଳନ । ଲଗାଣ ବର୍ଷାରେ ଆଜି ସକାଳେ ଗୁମ୍ମା ବ୍ଲକର ବଡକଳାକୋଟ ପଚାଂୟତ ଅନ୍ତର୍ଗତ ଜାଙ୍ଗିଡିତୁଲ ଗ୍ରାମରେ ପାହାଡ଼ରୁ ମାଟି ଓ ପଥର ଅତଡ଼ା ଧସିଛି । ଏହି ଅତଡ଼ା ଗ୍ରାମ ଆଡକୁ ମାଡି ଆସିବା ଫଳରେ କେତେକ ଘର ମାଟିରେ ପୋତି ହୋଇଯାଇଛି । ଖବର ପାଇ ଘଟଣାସ୍ଥଳରେ ରେସ୍କ୍ୟୁ ଅପରେସନ ଟିମ୍ ପହଂଚି ଉଦ୍ଧାର କାର୍ଯ୍ୟ ଆରମ୍ଭ କରିଛି । ଅଗ୍ନିଶମ ଓ ପ୍ରଶାସନିକ ଅଧିକାରୀ ଘଟଣାସ୍ଥଳରେ ପହଂଚି ସ୍ଥିତିର ଅନୁଧ୍ୟାନ କରୁଛନ୍ତି ।
