ଦ୍ଵିତୀୟ ଦିନରେ ଚର୍ଚ୍ଚାରେ ସମ୍ବଲପୁର ବିଶ୍ଵବିଦ୍ୟାଳୟ

• ଫିଜିକ୍ସ ପ୍ରଶ୍ନପତ୍ର ଭାଇରାଲ୍, ଆଜିର ପରୀକ୍ଷା ବାତିଲ୍ 

• ୧୯ ରେ ଏଜୁକେସନ ଓ ୨୦ ରେ ଫିଜିକ୍ସ ପରୀକ୍ଷା

ସମ୍ବଲପୁର, ସମ୍ବଲପୁର ବିଶ୍ଵବିଦ୍ୟାଳୟ ଆଜି ଦ୍ଵିତୀୟ ଦିନରେ ଚର୍ଚ୍ଚାରେ ରହିଛି । ଗତକାଲି ଯୁକ୍ତ ୩ ତୃତୀୟ ବର୍ଷ ଏଜୁକେଶନ ଅନର୍ସ ପ୍ରଶ୍ନପତ୍ର ଭାଇରାଲ୍ ହୋଇଥିବା ବେଳେ ଆଜି ଫିଜିକ୍ସ ପେପର-୨ ପ୍ରଶ୍ନପତ୍ର ଭାଇରାଲ୍ ହୋଇଛି । ଏପରିକି ଭାଇରାଲ୍ ହୋଇଥିବା ଏହି ପ୍ରଶ୍ନପତ୍ର ଅରିଜିନାଲ୍ ପ୍ରଶ୍ନପତ୍ର ସହ ମେଳ ଖାଉଥିବା ସ୍ଵୀକାର କରିଛନ୍ତି କର୍ତୃପକ୍ଷ । ଫଳରେ ଆଜି ପୂର୍ବାହ୍ନ ୧୦ଟାରେ ଅନୁଷ୍ଠିତ ହେବାକୁ ଥିବା ଫିଜିକ୍ସ ପେପର-୨ ପରୀକ୍ଷାକୁ ବାତିଲ୍ କରାଯାଇଛି । ସାନି ବିଜ୍ଞପ୍ତି ଅନୁଯାୟୀ, ଆସନ୍ତା ୧୯ ରେ ଏଜୁକେସନ ଓ ୨୦ ତାରିଖରେ ଫିଜିକ୍ସ ପେପର-୨ ପରୀକ୍ଷା କରାଯିବ ବୋଲି ସୂଚନା ଦେଇଛନ୍ତି ବିଶ୍ଵବିଦ୍ୟାଳୟ ପରୀକ୍ଷା ନିୟନ୍ତ୍ରକ ।

ପ୍ରକାଶ ଥାଉକି, ଗତକାଲି ସମ୍ବଲପୁର ବିଶ୍ଵବିଦ୍ୟାଳୟରେ ଯୁକ୍ତ ୩ ତୃତୀୟ ବର୍ଷ ଏଜୁକେଶନ ଅନର୍ସ ପ୍ରଶ୍ନପତ୍ର ଲିକ୍ ହୋଇଥିଲା । ଘଟଣା ପରେ ଗତକାଲି ହେବାକୁ ଥିବା ପରୀକ୍ଷାକୁ ବାତିଲ୍ କରାଯାଇଥିଲା ।